Svava Gunnarsdóttir gekk út fyrir akkúrat ári síðan í dag en Svava heldur úti hinu vinsæla matarbloggi Ljúfmeti og lekkerheit, auk þess að starfa á lögmannsstofunni LEX. 

Svava byrjaði með Hermanni Guðmundssyni, forstjóra og eins eigenda heildsölufyrirtækisins Kemi, en auk þess situr hann ní stjórnum nokkurra einkahlutafélaga. Hermann hefur komið víða við í viðskiptalífinu, hann var forstjóri N1 á árunum 2006-2012 og hefur meðal annars setið í stjórnum Samtaka atvinnulífsins, Samtaka verslunar og þjónustu, Klaks hf. og Rannsóknarseturs verslunarinnar. Hann var viðskiptafélagi Bjarna Benediktssonar, núverandi fjármálaráðherra, og fjölskyldu hans um árabil og til dæmis lykilmaður í kaupum Engeyinga og fleiri fjárfesta á Olíufélaginu árið 2006 sem síðar fékk nafnið N1.

Svava hóf störf á LEX árið 2006 sem aðstoðarmaður lögmanna, en hún er mannfræðingur og félagsfræðingur að mennt. Svava stofnaði bloggið heima í stofusófanum sumarið 2012 og segir hún á heimasíðu sinni að það hafi stækkað hraðar hana hefði nokkurn tímann órað fyrir. „Mig hefði aldrei grunað hvað bloggið ætti eftir að veita mér mikla gleði og verða stór hluti af lífi mínu.“ Svava var áður með tónlistarmanninum Örlygi Smára og eiga þau saman þrjú börn.

Svava tjáir sig um fyrsta árið þeirra saman á Facebook síðu sinni í dag.

„Það er komið 1 ár. Fyrir réttu ári ákváðum við að vera par. Síðan þá hafa margar minningar verið skrifaðar, margar upplifanir og almenn vellíðan.  Við þökkum þeim sem hafa tekið okkur vel og leyft okkur að vera eins og við erum. Ástin og lífið.“