Dagana 5. og 6. nóvember verður einleikurinn Gíraffinn sýndur á Nýja sviðinu í Borgarleikhúsinu ásamt fjórum öðrum verkum. Viðburðurinn heitir Ungleikur og er partur af Unglist

Höfundur verksins er Magnús Thorlacius en kaup manns á stórum gíraffa Coctco voru innblástur við ritun verksins.

„Ég hafði endurskrifað viðtal við manninn sem hafði keypt Costco gíraffinn þar sem ég hafði sleppt spurningum spyrilsins, svo eftir stæði einungis eintal þessa manns um kaupin. Svo í sumar hafði ég grafið þetta skjal upp í tölvunni minni og notað sem innblástur fyrir handrit að leiksýningu. Afurðin er hálftíma einleikur,” segir Magnús, sem er gríðarlegur spenntur fyrir sýningunni.

„Ég prófaði að spyrja manninn sem hafði keypt gíraffann hvort það væri hægt að fá hann að láni fyrir sýninguna. Það var því miður ekki hægt þar sem það hefði farað illa með hann að flytja hann til núna, þar sem búið er að festa hann niður í jörðina. Því erum við að smíða okkar eigin gíraffa, sem er í raun bara mikið skemmtilegra ef eitthvað. Þá getum við hannað hann eftir eigin höfði sem gefur okkur töluvert meira frelsi til listrænnar sköpunnar.

Verkið er í raun ekki byggt á alvöru kaupunum á Costco gíraffanum, þó innblásturinn hafi komið þaðan. Verkið er ekki um alvöru einstaklinginn sem keypti gíraffann, en verkið er vissulega um mann sem keypti sér fimm metra háan gíraffa í garðinn sinn,” segir Magnús en hann hefur áður vakið athygli fyrir að tengja listaverk við þekkta verslun. Fyrr á árinu gaf hann út ljóðabókina Heimilislausar íbúðir sem er innblásin af reynslu hans af því að starfa í IKEA. Sjá nánar hér.

Hægt er að panta sér miða á Gíraffann á vefnum Tix.is.