Loga Bergmann brá heldur í brún þegar hann fékk samþykkta inngöngu í hesta söluhóp á Facebook. Hrafnhildur, 9 ára gömul dóttir hans, hafði verið í símanum hans áður. Logi greinir frá þessu bráðfyndna atviki á Facebook.
„Dóttir mín, 9 ára, bað um að fá símann minn í smástund. Það gerist oft. Hún fer í leiki, tékkar á strætóferðum eða skoðar eitthvað á netinu. Svo skilaði hún símanum. Nokkru síðar fékk ég þessa tilkynningu sem fylgir,“ segir Logi og vísar í myndina hér að neðan.
„Við höfum átt þessar samræður nokkuð oft. Það stendur ekki til að kaupa hest. En í ljósi þess að hún man sennilega kreditkortanúmer mömmu sinnar þá væri fínt ef þið mynduð ekki selja Svanhildi hest. Sérstaklega ekki ef hún hljómar sérstaklega unglega,“ segir Logi.
Hann deilir einnig samtali milli sín og Svanhildar, eiginkonu sinnar. Logi spyr hana hvernig það hafi eiginlega gerst að hann hafi fengið inngöngu í hesta söluhóp.
„Hahahahaha!!! Hrafnhildur var að tala um það í dag að hana vantaði hest,“ svaraði Svanhildur.