Aktívistinn og rithöfundurinn Þórdís Elva Þorvaldsdóttir lætur leikkonuna Whoopi Goldberg heyra það í sögu sinni á Instagram, eftir ummæli þeirrar síðarnefndu um leikkonuna Bellu Thorne eftir að óprúttinn aðili hótaði að leka nektarmyndum af henni á netið.
Whoopi sagði það Bellu sjálfri að kenna að hakkari hafi nælt í myndir af henni og smánaði hana fyrir að taka af sér nektarmyndir. Þórdís Elva hefur barist ötullega fyrir þolendur kynferðisbrota og segir ummæli Whoopi líkt og að segja við fórnarlamb nauðgunar að það hefði ekki átt að vera í svo stuttu pilsi. Þórdís Elva segist standa með Bellu og að skömmin sé ekki hennar.
„Þú gerðir ekkert rangt. Þú og konur um allan heim mega taka myndir af líkama sínum á hvern þann hátt sem þeim sýnist og senda til þeirra sem þær vilja svo lengi sem það er samþykkt af báðum aðilum. Og Whoopi má fokka sér.“