Lagið heitir Staldraðu við en textinn við lagið verður einnig 99. ljóðið í ljóðabók sem kemur út eftir Ólaf í Haust.
Vilhjálmur Guðjónsson er meðhöfundur lagsins semn er í hressilegri sveitatónlistar- og blúsútsetningu. Gunnar Þórðarsson útsetti lagið með Vilhjálmi en þeir tveir radda einnig lagið saman. Þessi samvinna þeirra gerir einmitt það að verkum að lagið komi svona vel út.
„Þetta er svo sannarlega árangur þess að ég leyfi þeim algjörlega að taka lagið úr mínum höndum og gera það að smelli.“
Myndbandið við lagið er líka heldur betur skemmtilegt þar sem notast er við svokallaða „green screen“ tækni. Með þeirri tækni er látið líta út eins og Ólafur og félagar séu að skemmta sér í Las Vegas þegar raunin er önnur.
Myndbandið er nefnilega tekið upp hér á Íslandi, nánar tiltekið á Auðsholti í Ölfusi. Friðrik Grétarsson annaðist kvikmyndagerð og klippingu á myndbandinu og Guðmundur Karl Guðjónnson, bróðir Vilhjálms sá um lýsingu og aðra uppsetningu.
Hægt er að horfa á myndbandið hér í spilaranum fyrir neðan. Textinn við lagið er í myndbandinu svo auðveldara sé að syngja með.
Það er ljóst að hér er um sannkallaðann sumarsmell að ræða hjá Ólafi og félögum.