Föstudagur 15.nóvember 2019
Fókus

Liggur flatur eftir 12 ferðir á Esjuna á innan við sólarhring: „Geng ekki um óstuddur“

Erla Dóra Magnúsdóttir
Laugardaginn 15. júní 2019 21:30

Ekki missa af Helstu tíðindum dagsins í pósthólfið þitt

Lesa nánar

Svanberg Halldórsson, liggur í dag flatur eftir að hafa farið tólf ferðir upp á Esjuna á innan við sólarhring og slegið þar með Íslandsmet í Esjugöngu.

Ferðirnar fór hann til styrktar Ljósinu, endurhæfingar- og stuðningsmiðstöð fyrir krabbameinsgreinda og aðstandendur þeirra. Hann segir í samtali við blaðamann að hann hefði aldrei náð markmiðinu ef ekki væri fyrir þann góða stuðning sem hann fékk.

Ferðunum lauk hann á 23 klukkustundum og 29 mínútum. Í heildina gekk hann rúmlega 86 kílómetra og brenndi ríflega 17 þúsund kaloríur.

Það sagði mér einhvern að þetta væri um vikuskammtur af kaloríum. Nú verður það bara pitsa í öll mál til að vinna þetta upp.

Svanberg auglýsti ætlunarverk sitt ekki mikið því hann óttaðist að honum tækist ekki að ljúka við áskorunina.

Það var ekki fyrr en ég var búinn að slá fyrra metið mitt, sjö ferðir, sem ég fór að hvetja fólk fyrir alvöru til að heita á mig.

Samfélagsmiðlar minntu Svanberg fyrir stuttu á það að fyrir 10 árum síðan gekk hann 7 ferðir á Esjuna og sló þar með Íslandsmet í slíkum ferðum á einum sólarhring. Það met hans stóð aðeins í tvær vikur og langaði honum því að gera um betur núna og halda metinu þá aðeins lengur. Hann vildi leggja meira undir og ákvað því að helga afrekið góðum málstað og varð Ljósið fyrir valinu.

Svanberg er að sögn enginn íþróttamaður, og viðurkennir að það hafi nú verið tiltölulega brjáluð hugmynd að setja sér þetta markmið. Þegar hann fór ferðirnar sjö fyrir 10 árum hafi hann hins vegar gengið reglulega á fjöll.

Fyrstu ferðirnar þá var hausinn alveg skýr, segir Svanberg. Þó hafi ástandið verið orðið allt annað þegar hann lagði í síðasta skiptið af stað niður Esjuna. Þá hafi verið freistandi að leggjast bara til svefns. Hvert einasta skref hafi verið átak.

Þegar hann fór tólftu og síðustu ferðina var Svanberg bugaður á líkama og sál. Hann kveðst aldrei hafa tekist ætlunarverkið ef ekki hefði verið fyrir öfluga stuðningsmenn sem stöppuðu í hann stálinu og hvöttu hann til dáða. Þetta hafi skipt sköpum og án þess hefði honum ekki tekist að ljúka síðustu ferðunum.

Alls gengu 11 aðilar með honum á Esjuna og kann hann þeim sínar allra bestu þakkir. Hann greinir frá því að Facebook að þarna á Esjunni hafi hann uppgötvað hvar hans mörk liggja.

Þarna liggja greinilega mín mörk, andlega og líkamlega, engin skömm í að viðurkenna það. Hefði ekki getað gengið eina ferð í viðbót þó það væri til að bjarga lífi mínu. Hvorki meira né minna en 11 manns gengu með mér í gær og guð minn góður hvað það hjálpaði mikið.

Svanberg mun ekki vera mikið á ferðinni það sem eftir lifir helgar. Í samtali við blaðamann sagðist hann liggja bara flatur og sjái fram á að gera það sama á morgun. Á Facebook greindi hann jafnframt frá því að hann gangi ekki í dag óstuddur, en hann sé þrátt fyrir það brosandi út að eyrum.

Í dag ligg ég rúmfastur með tvo helauma fætur sem öskra á mig hástöfum. Geng ekki um óstuddur, en það mun lagast fljótt. Ég ligg hérna brosandi út að eyrum með hátt undir fótunum og hugsa hlýlega til ykkar.

Þó að afrekinu sé lokið þá er söfnunin enn í fullum gangi og verður allt fram á þriðjudaginn næsta. Í kjölfarið verður öllu söfnunarfé ráðstafað til Ljóssins. 

Þeim sem vilja leggja söfnuninni lið er bent á reikningsnúmer 323-13-169700 kt. 1811823429. 

En mun Svanberg endurtaka leikinn að nýju eftir tíu ár?

Veistu ég hef verið spurður af þessu áður, en nei ég hugsa að þetta sé bara komið gott.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Það fauk í Magnús Ver þegar lögreglan stöðvaði hann: „Ég spurði hvern andskotann þeir væru að stoppa mig“

Það fauk í Magnús Ver þegar lögreglan stöðvaði hann: „Ég spurði hvern andskotann þeir væru að stoppa mig“
Fókus
Fyrir 3 dögum

Hekla gerir upp hörmungina í Hörpu: „Nú er ár liðið frá þessum mannlega harmleik“

Hekla gerir upp hörmungina í Hörpu: „Nú er ár liðið frá þessum mannlega harmleik“
Fókus
Fyrir 4 dögum

Leigubílasaga Jóns Gnarr: „Þetta er líklega mest kreisí hlutur sem ég hef upplifað á ævinni“ – Sjáðu myndbandið

Leigubílasaga Jóns Gnarr: „Þetta er líklega mest kreisí hlutur sem ég hef upplifað á ævinni“ – Sjáðu myndbandið
Fókus
Fyrir 4 dögum

Sagði nei við Mömmu klikk

Sagði nei við Mömmu klikk
Fókus
Fyrir 6 dögum

Ráðherra segir Dóra vera biðja um að vera skallaður – Segist svæfa börnin á tveimur mínútum

Ráðherra segir Dóra vera biðja um að vera skallaður – Segist svæfa börnin á tveimur mínútum
Fókus
Fyrir 6 dögum

Herdís Þóra: Þarna hefði 2 mánaða gamla dóttir mín getað dáið – „Ég hef sjaldan orðið jafn reið“

Herdís Þóra: Þarna hefði 2 mánaða gamla dóttir mín getað dáið – „Ég hef sjaldan orðið jafn reið“