Sunneva Einarsdóttir samfélagsmiðlastjarna var gestur Burning Questions hjá Áttunni. Þátturinn gengur út á að gestir svara erfiðum spurningum.
Fáránlegasta tilboð sem Sunneva hefur fengið til að auglýsa á samfélagsmiðlum er að hennar sögn: „Dömubindi. Það er eins og að auglýsa klósettpappír, það meikar ekki sens.“
Sunneva er dómari í Instagram Íslands, þáttum hjá Áttunni. Egill spyr hana hvað sé það steiktasta sem hún hefur séð í þáttunum.
„Það er hérna varaæfingarnar,“ segir Sunneva.
Egill tekur undir: „Það var hellað steikt.“
Aðspurð í hverju hún sefur segist Sunneva sofa í brók og stórum bol ef það er kalt inni hjá henni.
„Það er altaf alltof kalt inni hjá mér því herbergi mitt er haunted,“ segir Sunneva.
„Það er draugur sko. Hann heitir Óli […] Ég er ekki að djóka sko. Alltaf þegar hann kemur er alltaf ískalt í herberginu mínu og ég þarf að sofa í buxum, bol og svona kósý sokkum.“
Egill segir Óla að „drulla sér út,“ en Sunneva segir að hann sé góður.
Sunneva segir að orðrómar séu það erfiðasta sem hún hefur orðið fyrir á samfélagsmiðlaferli sínum.
„Ég hef lent í nokkrum og það var einn sem var svakalega erfiður og leiðinlegur því fjölskylda mín blandaðist inn í það. En maður kemur bara sterkari úr því,“ segir Sunneva en fer ekki nánar út í hvaða orðrómur það var.
Horfðu á Burning Questions með Sunnevu í heild sinni hér að neðan.
