Stjörnuparið Sólmundur Hólm og Viktoría Hermannsdóttir eiga von á barni í mars á næsta ári. Sóli tilkynnti þetta í færslu á Facebook nú í kvöld.
„Nú standa yfir samningaviðræður við Mörtu Hermannsdóttur(84) um að hún rífi fram dagmömmugallann að nýju eftir að hafa lagt hann á hilluna fyrir ári síðan. Ástæðan er sú að fjölskyldan á Hringbraut 94 verður 6 manna batterý í mars á næsta ári. Það er því einlægur vilji okkar að Marta — sameiginleg frænka okkar Viktoríu — flytji í kjallarann, verði hornkerling á Hringbrautinni og sjái að mestu um uppeldi barnsins,“ skrifar Sóli.
Það eru því spennandi tímar framundan hjá þeim Sóla og Viktoríu. „Við erum annars auðvitað í skýjunum með væntanlegan erfingja og stóru systkinin að springa úr spenningi. Það verður dásamlegt að fá þennan einstakling í hendurnar.“
DV óskar parinu innilega til hamingju.