fbpx
Fimmtudagur 06.október 2022
Fókus

Vísindamenn gleyptu Lego hausa til að sjá hvað þeir væru lengi að skila sér

Ragna Gestsdóttir
Fimmtudaginn 13. desember 2018 11:00

Ekki missa af Helstu tíðindum dagsins í pósthólfið þitt

Lesa nánar

Hefur þú ekki oft pælt í því hvað Lego haus er lengi að fara meltingarveginn? Þökk sé vísindamönnum í Ástralíu og Bretlandi þá þarftu ekki að klóra þér lengur í hausnum yfir þessu, því þeir gleyptu Lego hausa og könnuðu svo saurinn hjá sér, allt í nafni vísindanna sjáðu til!

Sex vísindamenn á sviði barnalækninga gleyptu hver og einn einn Lego haus og skráðu síðan hjá sér hversu lengi hann var að skila sér út um hinn endann.

„Á eftir smápeningum, þá eru lítil leikföng algengasti hluturinn sem ungbörn gleypa,“ segir í skýrslu þeirra, en fáar rannsóknir eru hins vegar til um efnið og hversu lengi hlutirnir eru að skila sér út.

Tveir nýir mælikvarðar urðu til: SHAT (Stool Hardness and Transit), sem mældi þéttleika saursins, og FART (Found and Retrieved Time), sem mældi hversu langan tíma hausinn var að skila sér.

Meðaltal FART var 1,7 dagar, á meðan SHAT mælingar fyrir og eftir að hausarnir voru gleyptir breyttist ekki.

Það er áhugavert að einn vísindamannanna fann aldrei sinn Lego haus, jafnvel ekki tveimur vikum síðar.

Niðurstöður rannsóknarinnar voru birtar í nýjasta eintaki Journal of Paediatrics and Child Health, en rétt er þó að taka þeim með fyrirvara. Um fullorðna einstaklinga er að ræða, sem gleypa lítinn plasthlut, þannig að niðurstöðurnar gefa ekki raunsæja mynd af hvað gerist hjá barni sem gleypir sams konar hlut, aðeins vísbendingu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Mary brann eins og kerti eftir sjálfsprottin bruna – Ekkert var eftir nema hluti fótar

Mary brann eins og kerti eftir sjálfsprottin bruna – Ekkert var eftir nema hluti fótar
Fókus
Fyrir 3 dögum

Var ætlað að verða fullkomið eintak af manneskju en greiddi það dýru verði – Átakanleg saga greindasta manns heims

Var ætlað að verða fullkomið eintak af manneskju en greiddi það dýru verði – Átakanleg saga greindasta manns heims