Hljómsveitin Heimilistónar sér um nýja skemmtiþætti á RÚV, Heimilistónajól. Þættirnir eru fjórir og sýndir á laugardagskvöldum.

Heimilistónar slógu sem frægt er í gegn með laginu Kúst og fæjó í Söngvakeppni RÚV á síðasta ári. Í fyrsta þætti Heimilistónajóla frumflutti sveitin nýtt jólalag, Ég verð að fá mér jólasvein.

Í öðrum þætti var komið að lagi tvö, Jólin og sólin.

Í þáttunum fara Elva Ósk Ólafsdóttir, Katla Margrét Þorgeirsdóttir, Ólafía Hrönn Jónsdóttir og Vigdís Gunnarsdóttir, yfir allt það helsta fyrir jólin og fá til sín góða gesti, einn í hverjum þætti, en þeir eru: Katrín Jakobsdóttir, Baltasar Kormákur, Svanhildur Jakobsdóttir og Valdimar. Landsþekktir leikarar eru þeim einnig til halds og trausts, þeir Gói Karlsson, María Heba Þorkelsdóttir, Oddur Júlíusson, Sigurður Þór Óskarsson og Þröstur Leó Gunnarsson.