Miðvikudagur 22.janúar 2020
Fókus

Elín Kára – „Gefumst ekki upp á markmiðunum okkar“

Elín Kára
Þriðjudaginn 9. október 2018 11:00

Ekki missa af Helstu tíðindum dagsins í pósthólfið þitt

Lesa nánar

Elín Káradóttir heldur úti blogsíðu undir eigin nafni þar sem hún skrifar um jákvætt hugarfar, fjármál og lífstíl. Í þessum pistli fjallar hún um markmið og hvernig er best að setja sér markmið og ná þeim.

Í rúmlega fjögur ár hef ég sett mér nokkur markmið í hverri viku en með nokkrum stuttum pásum. Ég hef þannig fyrirkomulag að ég set mér um það bil 10 markmið eða verkefni sem ég þarf eða sé fyrir mér að gera í komandi viku. Eftir vikuna fer ég yfir hvernig mér gekk að klára markmiðin/verkefnin og set mér ný markmið fyrir næstu viku.

Það sem ég kláraði ekki í þessari viku, set ég yfir á næstu viku ef það á ennþá við. Sem dæmi í viku 1; markmið sett um að lesa í samtals 1 klst. í vikunni. Náði því ekki – las ekkert. Í viku 2 var sama markmið sett. Ég las sirka 10 mínútur yfir alla vikuna. Markmiðinu var ekki náð. Í viku 3 var sama markmið sett. Í þriðju viku var ég búin að lesa samtals í meira en klukkutíma og vikan var bara hálfnuð.

Gefumst ekki upp á markmiðunum okkar. Við þurfum oft meiri tíma til þess að koma markmiðinu inn í rútínuna, inn í meðvitundina og fá kraft til þess að klára það sem við viljum klára.

Margir setja sér markmið, en yfirfara þau ekki og setja sér ekki ný eftir ákveðinn tíma. Svo eru líka margir, því miður, sem rífa sjálfa sig niður fyrir að ná ekki markmiðunum sínum á til dæmis einni viku og hætta þá allri vinnunni og setja sér ekki meira markmið. Segja: „þetta er tilgangslaust“ eða „ég er ekki þessi markmiða-týpa“.

Þú getur ekki sigrað heiminn á einum degi, en þú getur það með daglegum athöfnum til lengri tíma. Ég setti mér markmið um að byrja blogg. Í hverri viku þurfti ég að viðurkenna að ég væri ekki byrjuð, en ég vildi alltaf flytja markmiðið mitt yfir á næstu viku. Eftir 36 vikur var bloggsíðan sem þú ert að lesa núna opnuð. Við þurfum að vera sanngjörn við okkur sjálf.

Hvernig gerir þú þetta?

Ég mæli með að þú finnir þér 1-3 félaga sem eru tilbúin til að setja sér svona vikumarkmið í lengri tíma. Þessir 1-3 félagar þurfa að kunna að halda trúnað og þurfa líka að virða markmið annarra.

Ég hef bæði sett mér markmið í hóp af fjórum og svo hef ég líka gert þetta með sambýlismanni mínum. Hvoru tveggja hefur hentað mér vel en í hóp þarf að passa að hópurinn sé vel saman settur.

Bestu vinkonur/vinir: Í vinnu við markmiðasetningu er ekki endilega góð hugmynd að vera með bestu vinkonu eða vin í hóp með sér. Oft er gott að hafa trausta kunningja eða fólk sem þú þekkir, en hittir ekkert alltof oft. Þetta er mín skoðun. Ástæðan fyrir því er sú að oft viltu setja þér krefjandi markmið eða „út fyrir rammann“ markmið. Bestu vinir/vinkonur eiga það til að grípa inn í, stoppa mann af eða laga markmiðið fyrir þig eftir þeirri getu sem þau telja þig geta. Hafðu þetta í huga, mögulega virkar þetta – en það þarf ekki að vera.

Mér finnst gott að vinna þessa vinnu með sambýlismanni mínum. Við völdum okkur dag, sunnudag, þar sem við setjumst niður í sirka 30 mínútur eftir að dóttir okkar er sofnuð í vagni eða um kvöld. Förum yfir liðna viku og setjum markmið fyrir þá næstu.

Þegar ég var í hóp, þá hittist hópurinn á fjögurra vikna fresti. Það var líka skemmtilegt fyrirkomulag og getur hentað vel því fólki sem til dæmis á ekki maka eða makinn hefur ekki áhuga á svona vinnu.

Ekki láta neitt stoppa þig!

 

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Margrét Gnarr opnar sig um fæðinguna – Féll í gólfið af sársauka: „Þetta var frekar dramatískt í lokin“

Margrét Gnarr opnar sig um fæðinguna – Féll í gólfið af sársauka: „Þetta var frekar dramatískt í lokin“
Fókus
Fyrir 2 dögum

Vikan á Instagram: „Til að forðast allan misskilning. Ég er ekki með syni Bjarna Ben á ferðalagi“

Vikan á Instagram: „Til að forðast allan misskilning. Ég er ekki með syni Bjarna Ben á ferðalagi“
Fókus
Fyrir 3 dögum

Spurning vikunnar: Hvað verður heitasta trendið á árinu?

Spurning vikunnar: Hvað verður heitasta trendið á árinu?
Fókus
Fyrir 3 dögum

Hallgrímur Ólafsson um Gullregn: „Við þekkjum öll þetta fólk“

Hallgrímur Ólafsson um Gullregn: „Við þekkjum öll þetta fólk“
Fókus
Fyrir 3 dögum

Hallgrímur Ólafsson ólst upp á sjómannsheimili: „Það var skrítin standpínustemning um borð“

Hallgrímur Ólafsson ólst upp á sjómannsheimili: „Það var skrítin standpínustemning um borð“