Veronika Didusenko var í síðustu viku kjörin fegursta kona Úkraínu. Brosið hélst þó ekki lengi á hinni 23 ára gömlu Veroniku því skömmu eftir sigurinn kom í ljós að hún hefði logið til um forsögu sína. Hún var í kjölfarið svipt titlinum. Það er breska blaðið Daily Mail sem fjallar um þetta.
Ástæða þess að Veronika var svipt titlinum er sú að hún á fjögurra ára gamlan son. Í reglum keppninnar í Úkraínu segir að hvorki mæður né giftar konur megi taka þátt.
Veroniku hefur verið gert að skila bæði kórónu og öllu því verðlaunafé sem hún vann sér inn. Forsvarsmenn keppninnar hafa ekki enn gefið út hver hlýtur titilinn en ætla má að sú stúlka sem hafnaði í öðru sæti verði afhent kórónan.
https://www.instagram.com/p/Bn_wo13njub/?hl=en&taken-by=veronika_didusenko