Hjónin Ingileif Friðriksdóttir og María Rut Kristinsdóttir hafa sett íbúð sína við Starhaga í Vesturbæ á sölu.

Þær gengu í hjónaband í júlí í sumar og var brúðkaupið haldið á Flateyri.

Húsið var byggt árið 1955, íbúðin er 70 fermetrar, þriggja herbergja með útgengt á 28 fermetra verönd til suðurs og var hluti af henni endurnýjaður árin 2011-12.

„Elsku besti Starhaginn okkar er kominn á sölu! Fyrsta íbúðin okkar Ingileifar sem okkur þykir undurvænt um og seljum nú með ákveðnum trega. En nú erum við giftar og þá rökrétt næsta skref að skuldsetja okkur meira og stækka við okkur. Um er að ræða fullkomna íbúð á besta stað í bænum – nálægt allri helstu nærþjónustu og náttúruparadísinni á Ægisíðunni. Mæli heilshugar með og þið megið kæru vinir endilega benda ykkar vinum á sem eru að leita sér að góðri eign!,“ skrifar María Rut.

Nánari upplýsingar um eignina má finna hér.