Eliza Reid forsetafrú birtir á Facebook heldur óvenjulega mynd af sér og Guðna Th. Jóhannessyni, forseta Íslands, þar sem þau voru stödd á afhendingu Grímu verðlaunanna í gær.

Guðni hefur hingað til slegið í gegn fyrir alþýðlega framkomu og jákvæðni, en myndin sem Eliza birtir sýnir hann í nýju ljósi.

Á myndinni er Guðni heldur grimmilegur á svipinn og hefur bróðir hans, Jóhannes Ólafur, orð á því í athugasemd.

Líklegast hefur þetta verið leikaraskapur og sprell hjá forsetahjónunum, enda viðeigandi á uppskeruhátíð íslenskrar leiklistar að bregða upp grímu.

Eliza svarar mági sínum og segir:

„Þetta á að vera GIF með nokkrar myndir. En ég kann klárlega ekki að gera það.“

Flestum þykir myndin stórskemmtileg og lýsa því yfir í athugasemdum.

Sirrý Arnardóttir fjölmiðlakona segir til að mynda:

„Þið eruð alveg kostuleg á svipinn á þessari mynd. Svo skemmtileg.“

Ævar Þór Benediktsson, Ævar vísindamaður, tekur undir með Sirrý: „

Æðisleg mynd – gaman að hitta á ykkur áðan.“