fbpx
Þriðjudagur 27.júlí 2021
Fastir pennar

Ég dýrka nýja kærastann svo mikið að ég er með þráhyggju fyrir honum – Hvernig kem ég í veg fyrir að ég kæfi hann?

Fókus
Sunnudaginn 13. júní 2021 22:30

Mynd/Getty

Ekki missa af Helstu tíðindum dagsins í pósthólfið þitt

Lesa nánar

Kristín Tómasdóttir fjölskyldumeðferðarfræðingur svarar spurningum lesenda um málefni er varða fjölskylduna, börnin og ástina í Fjölskylduhorni DV. Að þessu sinni svarar Kristín spurningu lesanda sem telur sig hafa þráhyggju gagnvart nýjum kærasta.

Kristín Tómasdóttir

 

Kæra Kristín

Nýverið (fyrir 5 mánuðuðum) eignaðist ég kærasta sem er frekar næs enda hefur mig langað það lengi og vandamálið er frekar skrítið því ég dýrka hann svo mikið að ég er með þráhyggju fyrir honum. Ég tala endalaust um hann og sakna hans alveg svakalega þegar hann er ekki með mér. Hann hefur sagt mér að ég sé smá að kæfa hann og þá verð ég hrædd um að hann sé að fara að hætta með mér og fæ þráhyggju fyrir því. Er ekki allt í lagi með mig? Þetta verður að lagast.

Kveðja,

Ein með þráhyggju

 

Sælar Þráhyggja

Takk fyrir spurninguna. Ég verð að viðurkenna, án þess að gera lítið úr spurningunni þinni, þá hló ég af því hvernig þú orðar þetta. Aftur á móti get ég sagt þér að þetta ekki óalgengt vandamál enda verða ástarmál oft að þráhyggju.

Þráhyggja eru þrálátar, endurteknar og stjórnlausar hugsanir. Stundum getur þráhyggja verið af hinu góða, t.a.m ef hún beinist að ákveðnu efni sem við verðum fróðari af. Sumir fá þráhyggju fyrir vinnunni eða námi og þá getur hún jafnvel reynst vel til framdráttar og frama. Við tölum þó yfirleitt ekki um þráhyggju nema hún sé með einhverju móti hamlandi og óyfirstíganleg.

Ástarmál eru mörgum ofarlega á baugi enda stór þáttur í lífi fólks. Hamingjurannsóknir sýna að ástin hefur gríðarlega mikil áhrif á hamingjuna, hvort heldur sem er til góðs eða ills. Með þessu á ég við að einstaklingar geta orðið mun hamingjusamari ef þeir eru í góðu parsambandi og sömuleiðis að slæmt parsamband getur dregið verulega úr hamingju þeirra sem í sambandinu eru.

Mig skal því ekki undra að þú sért ánægð með nýja kærastann, hann veitir þér hamingju og þú hefur þráð það lengi.

Hugsanir okkar geta verið ósjálfráðar og sjálfráðar þ.e.a.s, stundum hugsum við ósjálfrátt og það virðist sem við höfum enga stjórn. Aftur á móti er fólk ekki viljalaus verkfæri hugsanna sinna heldur getum við (stundum með átaki og tækni) breytt því sem við erum að hugsa og/eða endurhugsað. Þú segist vera með þráhyggju, tala stanslaust og sakna mikið, en hvað hefurðu reynt til þess að breyta þessu? Gætir þú ákveðið að takmarka umtal þitt um hann við aðra þannig að í annað hvert skipti talar þú um eitthvað annað en hann? Væri hægt að fækka aðstæðum þar sem hann upplifir að þú sért að kæfa hann? Getur þú gefið þér ákveðinn tíma dagsins (t.d milli klukkan 12.00-13.00) til þess að hugsa stöðugt um hann? Allt eru þetta hugmyndir sem miða að því að þú takir í stjórnartauma hugsana þinna og þróir tækni til þess að minnka þær hugsanir sem þér finnst slítandi og stjórnlausar.

Ef þú spyrð fólk hvenær það elskar maka sinn mest þá er algengasta svarið „þegar hann/hún er í burtu, í vinnunni, erlendis eða bara ekki til taks”. Með því að sakna finnur fólk sterkar fyrir ástinni. Þegar hann er ekki nálægt þér er því eðlilegt að þú elskir hann sérlega mikið. Í stað þess að reyna allt sem þú getur til þess að hitta hann fljótt og slökkva á söknunartilfinningum gæti verið ráð að njóta þess heldur að sakna hans og elska.

Ástin sem þú finnur í dag gagnvart kærastanum þínum er byggð á ástríðu. Með tíð og tíma þróast sambönd þannig að vinátta, þekking og lífsskoðanir skapa stærri sess. Þannig minnkar oft spennustigið en virðing og djúp tengsl verða meiri. Njóttu ferlisins sem sambandið hefur upp á að bjóða og leyfðu þér í æðruleysi að sjá hvert það leiðir þig.

Góða skemmtun og gangi þér vel.

Við hvetjum lesendur til að senda spurningar og vangaveltur sínar til Kristínar í tölvupósti á: hjonabandssaela@gmail.com.

Spurningunum verður svo svarað hér í Fjölskylduhorninu, að sjálfsögðu nafnlaust og í fullum trúnaði.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Fastir pennarSport
21.05.2021

Væri ótrúlega heimskulegt að reka Óskar úr starfi á þessum tímapunkti

Væri ótrúlega heimskulegt að reka Óskar úr starfi á þessum tímapunkti
EyjanFastir pennar
16.05.2021

Samfylkingin sem „jaðarsamfélag vina“

Samfylkingin sem „jaðarsamfélag vina“
EyjanFastir pennar
09.05.2021
Dómari tekur til máls
433Fastir pennarSport
06.05.2021

Aumingjakynslóðin á Íslandi eða hefur þetta alltaf verið svona?

Aumingjakynslóðin á Íslandi eða hefur þetta alltaf verið svona?
EyjanFastir pennar
02.05.2021
Vondir embættismenn
Fastir pennarFókus
02.05.2021

Af hverju „elskum“ við morð?

Af hverju „elskum“ við morð?
EyjanFastir pennar
25.04.2021

Handritin og Beethoven í Færeyjum

Handritin og Beethoven í Færeyjum
Fastir pennarFókus
05.04.2021

Meint andlát Avril Lavigne og róandi máttur samsæriskenninga

Meint andlát Avril Lavigne og róandi máttur samsæriskenninga
Fastir pennarFókus
01.04.2021

Tenerife verður Hveragerði verður Verahvergi

Tenerife verður Hveragerði verður Verahvergi
Fastir pennarFókus
31.03.2021

Var Michael Jackson Pétur Pan í lifandi lífi sem þjáðist af útlitsröskun?

Var Michael Jackson Pétur Pan í lifandi lífi sem þjáðist af útlitsröskun?
EyjanFastir pennar
28.03.2021
Alþingi í ógöngum
EyjanFastir pennar
21.03.2021

Talið óðs manns æði að byggja á sprungusvæði

Talið óðs manns æði að byggja á sprungusvæði
Fastir pennar
19.03.2021

Stóra leyndarmál lögreglunnar á höfuðborgarsvæðinu

Stóra leyndarmál lögreglunnar á höfuðborgarsvæðinu