Katrín Jakobsdóttir nýtur mest fylgis kjósenda samkvæmt niðurstöðu nýrrar skoðanakönnunar. Fylgi hennar mælist 21,1%. Fylgi Höllu Hrundar Logadóttur minnkar enn og mælist nú 19,7% en nafna hennar, Tómasdóttir, bætir við sig fylgi og mælist nú með 16,2% sem er fjórða mesta fylgið.

Þetta kemur fram í Morgunblaðinu í dag en þar er fjallað um nýja skoðanakönnun sem Prósent gerði fyrir blaðið.

Katrín nýtur mesta fylgisins, Halla Hrund er í öðru sæti og Baldur Þórhallsson í þriðja sæti með 18,2% fylgi.

Munurinn á milli þriggja efstu er lítill og eru efri vikmörkin á fylgi Höllu Hrundar og Baldurs innan neðri vikmarka fylgis Katrínar.

Fylgi Jóns Gnarr mælist 13,4% og þar á eftir er Arnar Þór Jónsson með 6% fylgi.

Fylgi annarra mælist mjög lítið.