fbpx
Þriðjudagur 05.desember 2023
EyjanFastir pennar

Sigmundur Ernir skrifar: „Sagðirðu árás?“

Eyjan
Laugardaginn 4. nóvember 2023 15:00

Sigmundur Ernir Rúnarsson.

Ekki missa af Helstu tíðindum dagsins í pósthólfið þitt

Lesa nánar

Rétt tuttugu ár eru frá því að íslenskir stjórnarherrar tóku það upp hjá sjálfum sér að setja Ísland á lista hinna staðföstu þjóða án þess að spyrja þing eða þjóð. Með þeirri ákvörðun voru landsmenn í fyrsta skipti orðnir beinir aðilar að stríði, hvort sem þeim líkaði betur eða verr. Og Ísland var án nokkurrar umræðu orðin að hernaðarþjóð. Með öðrum orðum; forystumenn ríkisstjórnarinnar, Davíð Oddsson og Halldór Ásgrímsson, stilltu þjóðinni si sona upp þeim megin víglínunnar þar sem mestu herveldi heims undir forystu George W. Bush og Tony Blair fóru harðast fram í stríðsbrölti sínu án þess að hafa Öryggisráð Sameinuðu þjóðanna á bak við sig.

Og án allrar umræðu.

En í nafni þjóðarinnar.

Íraksstríðið átti að taka fljótt af, slíkir þóttu hernaðaryfirburðir Bandaríkjamanna og Breta gegn fámennum og illa búnum liðsafla Íraka. Ákvörðun lýðræðisaflanna um innrás, jafnvel þótt hún byggi á helberum lygum um gereyðingarvopn í eigu Saddams Hussein, yrði því ákvörðun sigurvegaranna í sögulegu ljósi, altso þeirra sem breyttu rétt.

Óværunni í Miðausturlöndum yrði einfaldlega eytt. Í einskiptisaðgerð. Þvílík þvæla sem það nú var.

Og sagan endurtekur sig. Hún á það til að bíta í skottið á sér.

Sá er þó munurinn á að forystumenn ríkisstjórnarinnar í fyrra tilvikinu töluðu saman um sína ákvörðun. Því er ekki að heilsa í seinna tilvikinu. Formaður Sjálfstæðisflokksins hefur ekki fyrr hrökklast úr fjármálaráðuneytinu en hann ákveður það upp á eigin spýtur hvoru megin víglínunnar fyrir botni Miðjarðarhafs Ísland eigi að vera.

Og telur sig ekki þurfa að taka upp símtólið til að ræða það við forsætisráðherra – og hvað þá þing eða þjóð.

„Og til að bíta höfuðið af skömminni verður það fyrsta verk nýs utanríkisráðherra á erlendri grundu að gera þjóð sína að viðundri í alþjóðapólitík.“

Nógu umdeilt var það á sínum tíma þegar Davíð og Halldór tóku einir ákvörðunina um Íraksstríðið sem þá var umdeildasta heitstrengingin í utanríkismálum Íslands um áratugaskeið. Alþingi logaði. Davíð og Halldór voru svo að segja dregnir fyrir herrétt af stjórnarandstöðunni á þeim upphafsárum aldarinnar, enda þóttu þeir ábyrgðir fyrir mestu blóðsúthellingum síðari ára og miskunnarlausum voðaverkum á hendur saklausu fólki, konum og börnum.

Orrahríðin á Alþingi varð með þeim illskeyttustu og orðljótustu í manna minnum.

Þingið var í áfalli. Og þjóðin líka.

Sú er sumsé breytingin að tuttugu árum seinna tekur einn maður ákvörðunina. Og eftir situr nötrandi og niðurlægður forsætisráðherra sem neyðist til að fá þingflokk sinn til að andæfa ákvörðun samráðherra síns.

Heyr á endemi.

Og til að bíta höfuðið af skömminni verður það fyrsta verk nýs utanríkisráðherra á erlendri grundu að gera þjóð sína að viðundri í alþjóðapólitík.

„Sagðirðu árás,“ spurði hann í Osló. En þessi verða eftirmæli hans. Á bjagaðri ensku. Og ekki nema á fjórða þúsund börn sem liggja í valnum!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

Svarthöfði skrifar: Gaman að vera ráðherra

Svarthöfði skrifar: Gaman að vera ráðherra
EyjanFastir pennar
Fyrir 2 vikum

Björn Jón skrifar: Óhófsandi og skattasýki

Björn Jón skrifar: Óhófsandi og skattasýki
EyjanFastir pennar
Fyrir 2 vikum

Sigmundur Ernir skrifar: Við höfum brugðist landbúnaðinum

Sigmundur Ernir skrifar: Við höfum brugðist landbúnaðinum
EyjanFastir pennar
Fyrir 2 vikum

Þorsteinn Pálsson skrifar: Hamfarir, skattar og pólitík

Þorsteinn Pálsson skrifar: Hamfarir, skattar og pólitík
EyjanFastir pennar
Fyrir 2 vikum

Svarthöfði skrifar: Loksins kom skjaldborgin – skjaldborg heimilanna um fyrirtæki auðmanna

Svarthöfði skrifar: Loksins kom skjaldborgin – skjaldborg heimilanna um fyrirtæki auðmanna
EyjanFastir pennar
Fyrir 3 vikum

Sigmundur Ernir skrifar: Við erum öll Grindvíkingar

Sigmundur Ernir skrifar: Við erum öll Grindvíkingar
EyjanFastir pennar
04.11.2023

Óttar Guðmundsson skrifar: Ísrael

Óttar Guðmundsson skrifar: Ísrael
EyjanFastir pennar
03.11.2023

Svarthöfði skrifar: Afmæli öldungs

Svarthöfði skrifar: Afmæli öldungs
EyjanFastir pennar
28.10.2023

Sigmundur Ernir skrifar: Þær sitja skörinni neðar, ennþá!

Sigmundur Ernir skrifar: Þær sitja skörinni neðar, ennþá!
EyjanFastir pennar
28.10.2023

Óttar Guðmundsson skrifar: Sr. Friðrik

Óttar Guðmundsson skrifar: Sr. Friðrik