fbpx
Fimmtudagur 19.maí 2022
Eyjan

Lækna-Tómas stórhneykslaður – „Eru menn búnir að gleyma hótunum Rio Tinto í Straumsvík?“

Erla Dóra Magnúsdóttir
Mánudaginn 29. nóvember 2021 21:17

Ekki missa af Helstu tíðindum dagsins í pósthólfið þitt

Lesa nánar

Tómas Guðbjartsson, læknir og náttúruverndarsinni, furðar sig á því að Vinstri Grænir hafi samþykkt að fela Guðlaugi Þór Þórðarsyni, umhverfis-, loftlags- og orkumál. Slíkt geti ekki farið saman og megi strax sjá það af viðtölum sem ráðherrann hefur veitt þennan rétt rúma sólarhring síðan tilkynnt var að hann tæki við málaflokkunum. Tómas ritar grein um þetta sem birtist hjá Vísi.

„Það hljóta allir að sjá að það er algjörlega út úr kú að sami ráðherra fari með umhverfis-/loftslagsmál og orkumál. Hagsmunir orkugeirans á Íslandi eru gríðarlegir og náttúran alltaf sett i annað sæti. Einfaldlega vegna þess að í orku- og stóriðjugeiranum liggja peningarnir – og lobbýismi staðalbúnaður.“

Tómas segir að hingað til hafi umhverfisráðherra þurft að gæta hagsmunum náttúrunnar gagnvart öðrum ráðherrum og ráðuneytum.

„Nýskipaður ráðherra er hins vegar þegar farinn að berja i bumbur með slagorðum eins og „orkuskipti“, „græn orka“ og „virkja meira – en varlega“ – slagorð sem eru meira umbúðir en innihald.“

Tómas segir að aðeins 3 prósent þeirrar orku sem framleidd sé á Íslandi þurfi í að rafvæða allan bílaflota Íslendinga, 80 prósent orkunnar fari hins vegar í annað – stóriðju og þá aðallega álver.

„Sem eru afar mengandi og hráefnið baxít flutt yfir hnöttinn til að bræða það hérlendis. Afurðin er síðan flutt aftur yfir hafið og notuð i hagkerfum sem sum nýta sér ekki einu sinni að endurnýta málminn.“

Nú hafi erlendir álframleiðendur lýst yfir vilja sínum til að fjárfesta hér á landi, bæði í ál- og kísilverum.

„Eru menn búnir að gleyma hótunum Rio Tinto í Straumsvík fyrir tveimur árum, þegar átti að leggja verksmiðjuna af? Hættan nú er sú að náttúruperlur verið færðar á færibandi undir fallöxi hagsmunaaðila.“

Tómas telur ljóst að Guðlaugur muni í þessum viðræðum sitja báðum megin borðsins og því í „kjöraðstöðu að „láta hlutina gerast“ og slíkt muni hann gera í nafni grænnar orku sem sé hins vegar allt annað en græn.

„Allt í nafni „grænnar orku“ – sem eftir allt er ekki svo græn – hvort sem hún kemur frá vinstri eða hægri – enda verið að rústa einstakri náttúru okkar, sem ólíkt græðgi, er takmörkuð auðlind. Að svona ráðuneyti skuli vera sett á koppinn á vakt VG er síðan ekkert annað en hneyksli.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 dögum

Björn Jón skrifar: Stjórnarmynstrið gengur ekki upp

Björn Jón skrifar: Stjórnarmynstrið gengur ekki upp
Eyjan
Fyrir 3 dögum

„Líklega er almættið að segja mér að þetta sé ekki minn starfsgrundvöllur“

„Líklega er almættið að segja mér að þetta sé ekki minn starfsgrundvöllur“
EyjanFastir pennar
Fyrir 5 dögum

Framtíð menntunar

Framtíð menntunar
Eyjan
Fyrir 5 dögum

Niðurnítt umhverfi og slysagildrur í Öldutúnsskóla – „Undra mig á því að það líðist að hafa umhverfi barna svona“

Niðurnítt umhverfi og slysagildrur í Öldutúnsskóla – „Undra mig á því að það líðist að hafa umhverfi barna svona“
EyjanFastir pennar
Fyrir 6 dögum

Endurreisn Sovétríkjanna á íslenska húsnæðismarkaðnum

Endurreisn Sovétríkjanna á íslenska húsnæðismarkaðnum
Eyjan
Fyrir 6 dögum

Auglýsing Vinstri Grænna í Hafnarfirði vekur athygli – „Setjum X við D“

Auglýsing Vinstri Grænna í Hafnarfirði vekur athygli – „Setjum X við D“
Eyjan
Fyrir 1 viku

Stóra undirskriftamálinu vísað til héraðssaksóknara – „Þetta er bara orð á móti orði“

Stóra undirskriftamálinu vísað til héraðssaksóknara – „Þetta er bara orð á móti orði“
Eyjan
Fyrir 1 viku

Jón Steinar gáttaður eftir samtal við þingmann – „Það er eins og þeir haldi að almenningur sem fylgist með sé sauðheimskur“ 

Jón Steinar gáttaður eftir samtal við þingmann – „Það er eins og þeir haldi að almenningur sem fylgist með sé sauðheimskur“