fbpx
Föstudagur 12.ágúst 2022
Eyjan

„Eyþór Arnalds getur haldið áfram að vona en staða hans virðist nánast vonlaus“

Kristján Kristjánsson
Föstudaginn 22. október 2021 08:00

Eyþór Arnalds

Ekki missa af Helstu tíðindum dagsins í pósthólfið þitt

Lesa nánar

Kolbrún Bergþórsdóttir skrifar leiðara Fréttablaðsins í dag þar sem hún fjallar um borgarmálin og komandi sveitarstjórnarkosningar. Hún víkur að Eyþóri Arnalds, oddvita Sjálfstæðismanna, og Degi B. Eggertssyni, oddvita Samfylkingarinnar og borgarstjóra, í leiðaranum sem ber fyrirsögnina „Eina Trompið“.

Hún byrjar á að skrifa um Eyþór Arnalds sem lýsti því nýlega yfir að hann vilji leiða lista Sjálfstæðisflokksins í kosningunum á næsta ári. „Sjálfsagt er þetta til marks um pólitískan metnað en um leið dæmi um ofmat stjórnmálamanns á sjálfum sér. Eyþór hefur ekki þann trúverðugleika sem stjórnmálamaður þarf ætli hann sér að ná til breiðs hóps kjósenda. Reyndar er ekki skrýtið að Eyþór skuli ekki átta sig á þessari staðreynd. Raunsætt mat á eigin getu vefst fyrir mörgum, líka stjórnmálamönnum,“ segir Kolbrún.

Því næst víkur hún að Degi B. Eggertssyni, borgarstjóra, og segir stöðu hans mjög sterka og vilji aðrir flokkar ólmir starfa með honum. „Ekki er ofmælt þegar fullyrt er að Dagur sé eina tromp Samfylkingarinnar – flokks sem er í mikilli tilvistarkreppu. Dagur á sína hatursmenn, sem verða nánast eins og litla andsetna stúlkan í The Exorcist þegar þeir heyra nafn hans nefnt; höfuð fer að snúast og formælingarnar streyma út úr þeim. Þetta er lítill hópur sem hefur hátt en ekkert mark er á honum takandi. Borgarstjórinn nýtur almennra vinsælda og erfitt verður að velta honum úr sessi. Kannski er það ómögulegt. Pólitískir andstæðingar hans hljóta að vona heitt og innilega að hann ákveði sjálfur að yfirgefa borgarmálin,“ segir Kolbrún og bætir við að það sé þeirra eina von um að komast til valda í borginni. En hún segir einnig að ef Dagur hætti í borgarpólitíkinn verði það mikið áfall fyrir Samfylkinguna og geti reynst henni mjög dýrt og valdið enn einu fylgishruninu hjá flokki sem má ekki við slíku.

„Ekki blasir annað við en að Dagur haldi ótrauður áfram í borgarpólitíkinni. Eyþór Arnalds getur haldið áfram að vona en staða hans virðist nánast vonlaus,“ segir hún síðan að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 6 dögum

Offramboðið af löggum og sjálfboðaliðum á Ólympíumótinu – „Can I hold it for you?”

Offramboðið af löggum og sjálfboðaliðum á Ólympíumótinu – „Can I hold it for you?”
Eyjan
Fyrir 1 viku

Gefa lítið fyrir „hótanir“ Ásgeirs og munu ekki taka þeim þegjandi og hljóðalaust

Gefa lítið fyrir „hótanir“ Ásgeirs og munu ekki taka þeim þegjandi og hljóðalaust
Eyjan
Fyrir 1 viku

Keyptu sér bara einu sinni samlokur frá Lemon og lofa að gera það ekki aftur

Keyptu sér bara einu sinni samlokur frá Lemon og lofa að gera það ekki aftur