fbpx
Þriðjudagur 26.maí 2020
Eyjan

Segir frumvarp Áslaugar auka hættuna á ofbeldi gegn börnum – „Skora á þig að bæta ekki á vanda barna“

Ritstjórn Eyjunnar
Miðvikudaginn 1. apríl 2020 11:00

Ekki missa af Helstu tíðindum dagsins í pósthólfið þitt

Lesa nánar

Sem kunnugt er sagði Áslaug Arna Sigurbjörnsdóttir, dómsmálaráðherra í færslu á Twitter á dögunum að ef einhvern tímann væri þörf á netverslun með áfengi, væri það núna, en Áslaug er fyrsti flutningsmaður frumvarps sem gerir netverslun með áfengi innanlands löglega.

Fékk Áslaug nokkra gagnrýni fyrir tístið sitt, ekki síst frá þeim sem vilja takmarka, frekar en að auka, aðgengi almennings að áfengi.

Eykur ofbeldi gegn börnum

Framkvæmdastjóri Barnaheilla, Erla Reynisdóttir, skrifar opið bréf til Áslaugar Örnu á Vísi í dag.

Þar segir hún:

„Ef einhvern tímann er EKKI þörf fyrir aukna hættu á heimilisofbeldi, aukna hættu á ofbeldi gegn börnum, aukna hættu á að börn búi við vanrækslu, hættu á auknum kvíða barna og andlegum áföllum, þá er það núna.“

Hún segir Barnaheill hafa áhyggjur af aðgengi barna og ungmenna að áfengi, en ekki síst aðgangi foreldra, þar sem reynslan sýni að aukin áfengisneysla foreldra hafi neikvæð áhrif á börn:

„Áfengisneysla slævir huga og dómgreind fólks. Áfengisneysla þeirra foreldra sem nú þegar stunda hana stjórnlaust færist meira inn á heimilin sökum samkomubanns. Það ástand eykur álag á börn umtalsvert og kvíði þeirra eykst við að sjá foreldra sína í annarlegu ástandi. Með þessu er ekki verið að segja að enginn geti haft áfengi um hönd. En áfengi á ekki að hafa um hönd í kringum og innan um börn.“

Skorar á Áslaugu

„Barnaheill skora á þig að bæta ekki á vanda barna sem búa við óöruggar uppeldisaðstæður með því að auka aðgengi enn frekar að áfengi en nú er orðið. Börn geta ekki valið sér heimilisaðstæður og það búa ekki öll börn við heimilisfrið. Börn eiga hins vegar rétt á vernd gegn ofbeldi og vanrækslu, án mismununar. Stjórnvöld þurfa því að tryggja sérstaklega vernd barna í óviðunandi aðstæðum gegn aukinni áfengisneyslu, vegna hinna neikvæðu afleiðinga sem af henni hljótast,“

segir Erla og nefnir að ef einhvern tímann sé þörf á að standa með börnum, sé það núna.

Ekki kemur fram í bréfi Erlu hvort hún hafi skorað á barnamálaráðherra Íslands, Ásmund Einar Daðason, til að berjast gegn frumvarpi Áslaugar, en miðað við þær rannsóknir sem Erla vísar til, væri það einmitt í hans verkahring.

Skilur ekki þessu læti

Brynjar Níelsson, þingmaður Sjálfstæðisflokksins, sagðist í gær ekki skilja lætin í kringum frumvarp Áslaugar, það snerist um jafnræði:

„Málið snýst um jafnræði þannig að þeir sem hafa íslenska kennitölu og reka netverslun sem endar á .is geti selt okkur áfengi í gegnum netið eins og þeir sem eru með netverslun sem endar .com.“

Brynjar á við að lengi hefur verið heimilt að versla áfengi á netinu frá útlöndum, en ekki hér innanlands og því þurfi að gæta jafnræðis við íslenska framleiðendur.

Sjá nánar: Brynjar styður áfengisfrumvarp Áslaugar og skilur ekki þessi læti

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Tekist á um hlutabótaleiðina – „Við ætlum að taka maurinn, koma með bazooka og sprengja þá alla.“ 

Tekist á um hlutabótaleiðina – „Við ætlum að taka maurinn, koma með bazooka og sprengja þá alla.“ 
Eyjan
Fyrir 3 dögum

Bjarni tjáir sig um galla Katrínar og samskiptin við Davíð

Bjarni tjáir sig um galla Katrínar og samskiptin við Davíð
Eyjan
Fyrir 5 dögum

Flugfreyjur neita að láta hræðsluáróður Icelandair beygja sig í duftið – Ítreka samningsvilja sinn

Flugfreyjur neita að láta hræðsluáróður Icelandair beygja sig í duftið – Ítreka samningsvilja sinn
Eyjan
Fyrir 5 dögum

Brynjar skilur ekki neyslurými en vill afglæpavæða neyslu – „Þetta er bara einhver þvæla“

Brynjar skilur ekki neyslurými en vill afglæpavæða neyslu – „Þetta er bara einhver þvæla“
Eyjan
Fyrir 5 dögum

Icelandair sagt „ógeðslegt“ fyrirtæki – „Með því viðbjóðslegasta sem ég hef séð“

Icelandair sagt „ógeðslegt“ fyrirtæki – „Með því viðbjóðslegasta sem ég hef séð“
Eyjan
Fyrir 5 dögum

„Latasti þingmaðurinn kvartar yfir vinnusemi kollega síns. You can´t make this shit up“

„Latasti þingmaðurinn kvartar yfir vinnusemi kollega síns. You can´t make this shit up“
Eyjan
Fyrir 6 dögum

Vill skoða aðrar útfærslur á sýnatökugjaldi í Leifsstöð – „Ættum að kalla þessa gjaldtöku pólska skattinn“

Vill skoða aðrar útfærslur á sýnatökugjaldi í Leifsstöð – „Ættum að kalla þessa gjaldtöku pólska skattinn“
Eyjan
Fyrir 6 dögum

Verkfræðiprófessor boðar nýstárlega samgöngulausn fyrir Miklubraut -„Hefur hvergi sést áður“

Verkfræðiprófessor boðar nýstárlega samgöngulausn fyrir Miklubraut -„Hefur hvergi sést áður“