Katrín Jakobsdóttir, forsætisráðherra var gestur Sigurlaugar M. Jónasdóttur í þættinum Segðu mér, á Ríkisútvarpinu. Í þættinum fór Katrín um víðan völl, hún sló bæði á létta strengi og fjallaði um ferillinn í pólitík. Einn áhugaverðast var þegar að hún tjáði sig um hvort hún fengi haturspósta.
„Katrín færðu haturspósta?“ spurði Sigurlaug. Katrín svaraði „Já, en ég held nú að flestir stjórnmálamenn fái það, eða margir allavega.“ Þá spurði Sigurlaug aftur „Og svarar þú þeim?“ Því svaraði Katrín neitandi, „Ekki ef ég met þá sem haturspósta. Ekki ef þetta er bara fúkyrðaflaumur. Þá geri ég það ekki,“ Þá spurði þáttarstjórnandi hvað hún gerði við póstana, sendi hún þá áfram? „Ég geymi þá bara, geymi bara í möppu,“ sagði Katrín. „Ég er að hugsa um að gefa þetta út á bók einhvern tíma,“ segir hún svo og hlær. Forsætisráðherra sagði þó ólíklegt að sú bók myndi koma út, „Ég er ekki langrækin sko,“
„Ég hef mikinn skilning á því að fólk hafi skap og þurfi að tjá sig. Það er nú samt ekki það sem ég kalla haturspósta. Það er meira eitthvað annað, og þeir eru sem betur fer ekki daglegt brauð,“ sagði hún svo.
Í viðtalinu ræddi forsætisráðherra um margt og mikið. til að mynda framtíð sína í pólitík. Katrín sagðist ekki vita hversu lengi hún myndi halda áfram í pólitík, enda færu flest plön bara út um gluggann. Þó sagðist hún stefna á að bjóða sig fram á næsta kjörtímabili.
„Ég hef nú samt í hyggju að bjóða mig fram næst,“
