fbpx
Fimmtudagur 03.desember 2020
Eyjan

Keyptu fullnustueignir Íbúðalánasjóðs og seldu skömmu síðar með miklum hagnaði

Kristján Kristjánsson
Þriðjudaginn 16. júní 2020 07:55

Íbúðalánasjóður er til húsa í Borgartúni 21.

Ekki missa af Helstu tíðindum dagsins í pósthólfið þitt

Lesa nánar

Þess eru dæmi að félög sem keyptu fullnustueignir Íbúðalánasjóðs á sínum tíma hafi selt þær skömmu síðar og hagnast mikið. Þorsteinn Sæmundsson, þingmaður Miðflokksins, hefur árum saman barist fyrir að fá upplýsingar um hverjir keyptu fullnustueignir Íbúðalánasjóð. Hann segir að undanbrögð og feluleikur hafi einkennt vinnubrögð Ásmundar Einars Daðasonar, félags- og jafnréttisráðherra, í þessu máli.

Fréttablaðið skýrir frá þessu í dag. Haft er eftir Þorsteini að hann hafi fyrst óskað eftir upplýsingum um þetta 2017 og að fyrirspurn sem nú hafi loksins verið svarað sé sú sjöunda sem hann lagði fram.

„Ég tel fullt tilefni til þess að rannsaka gaumgæfilega hverjir hafa hagnast á sölu þessara eigna.“

Er haft Eftir Þorsteini sem sagði að þar sem listi yfir þessar eignir sé nú aðgengilegur á vef Alþingis óski hann eftir aðstoð allra sem þekkja til við að rannsaka söluna.

„Ég myndi fagna skilaboðum um eignir sem seldar hafa verið á óeðlilegu verði. Það vita best þeir sem áttu þær,“ sagði hann. Einnig sagði hann að Ásmundur Einar hafi fullyrt að eignirnar hafi verið seldar á markaðsvirði en það haldi ekki vatni í öllum tilfellum.

Hjá Fréttablaðinu kemur fram að Leigufélagið Stefnir ehf. keypti 31 íbúð af Íbúðalánasjóði í tvennum viðskiptum. Félagið keypti 23 íbúðir um mitt ár 2016 og átta í febrúar 2017. Fyrir íbúðirnar, sem keyptar voru í febrúar, greiddi fyrirtækið 163 milljónir. Íbúðirnar voru strax fluttar yfir í annað félag í eigu sömu aðila, Tjarnarverk ehf., og síðan fljótlega seldar áfram. Í maí 2018 seldi félagið sjö eignir og sú síðasta var seld í upphafi árs 2020. Aðeins sex kaupsamningar eru aðgengilegir en á þeim sést að söluverð þessara sex eigna var 277 milljónir. Fréttablaðið segir að ætla megi að söluverð hinna íbúðanna hafi ekki verið undir 40 milljónum fyrir hverja og eina og hafi félagið hagnast um 100 milljónir á íbúðum Íbúðalánasjóðs á skömmu tíma.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 4 dögum

Ásmundur opnar sig um erfiða æsku- „Ég var einn heima og hafði ekki hug­mynd um hvar mamma var“

Ásmundur opnar sig um erfiða æsku- „Ég var einn heima og hafði ekki hug­mynd um hvar mamma var“
Eyjan
Fyrir 4 dögum

Mogginn vill að Rósa Björk segi af sér – „Rangfærslur eru svo margar og alvarlegar, að þær eru fals“

Mogginn vill að Rósa Björk segi af sér – „Rangfærslur eru svo margar og alvarlegar, að þær eru fals“
Eyjan
Fyrir 6 dögum

Meirihlutinn segir bæklinginn skila sér margfalt til baka

Meirihlutinn segir bæklinginn skila sér margfalt til baka
Eyjan
Fyrir 6 dögum

Segir að frumvarp um lög á verkfall flugvirkja Landhelgisgæslunnar sé tilbúið

Segir að frumvarp um lög á verkfall flugvirkja Landhelgisgæslunnar sé tilbúið
Eyjan
Fyrir 1 viku

Skjóta fast til baka á Áslaugu – „Orð ráðherra um að fréttamaður hafi ekki greint rétt frá eru tilhæfulaus“

Skjóta fast til baka á Áslaugu – „Orð ráðherra um að fréttamaður hafi ekki greint rétt frá eru tilhæfulaus“
Eyjan
Fyrir 1 viku

Úlfúð í Vestmannaeyjum – „Trúnaðarbrestur“ í tölvupóstssamskiptum og tvö „vindhögg“

Úlfúð í Vestmannaeyjum – „Trúnaðarbrestur“ í tölvupóstssamskiptum og tvö „vindhögg“