fbpx
Föstudagur 07.ágúst 2020
Eyjan

Vinstrið logar vegna orða borgarstjóra – „Sýnist að Dagur ætti að sækja um inngöngu í Sjálfstæðisflokkinn“

Ritstjórn Eyjunnar
Mánudaginn 10. febrúar 2020 16:00

Dagur B. Eggertsson borgarstjóri Mynd:DV/Hanna

Ekki missa af Helstu tíðindum dagsins í pósthólfið þitt

Lesa nánar

Dagur B. Eggertsson borgarstjóri var gestur Silfursins á RÚV í gær hvar hann ræddi kjaradeilur Eflingar við Reykjavíkurborg.

Dagur nefndi nokkuð sem virðist hafa komið mörgum vinstrimönnum í opna skjöldu, að launamunur milli ófaglærðra og háskólamenntaðra væri nauðsynlegur, þar sem rík krafa væri í þjóðfélaginu um að menntun væri metin til launa hér á landi.

Óhætt er að segja að samfélagsmiðlar hafi logað eftir þetta, þar sem borgarstjóri fær á baukinn fyrir orð sín.

„Flokkur Dags kallar sig „Jafnaðarmannaflokk Íslands“. Mér sýnist að Dagur ætti að sækja um inngöngu í Sjálfstæðisflokkinn, alveg eins og Katrín Jak,“

segir Einar Steingrímsson stærðfræðingur, sem er afar virkur í þjóðmálaumræðu sem og í athugasemdakerfum alnetsins, ekki síst á Pírataspjallinu.

Tali út og suður

Efling hefur einnig tjáð sig á Facebook um orð borgarstjóra og sakar hann um að tala út og suður:

„Telur borgarstjóri yfirleitt hægt að hækka lægstu laun umfram önnur laun, eins og lífskjarasamningurinn gerir ráð fyrir? Eða telur borgarstjóri það fyrirframgefinn ómöguleika sökum þess að hærra launaðir muni ávalt krefjast óbreytts launabils?Þetta eru áleitnar spurningar og svör borgarstjórans benda sitt í hvora áttina. Borgarstjóri gagnrýnir aðra fyrir forystuleysi. Kanski veltur svarið við þessum spurningum einmitt á því hvort að þeir sem gera kjarasamninga eru tilbúnir að taka forystu.“

Skólagengnir ekki merkilegri

Kári Stefánsson, forstjóri Íslenskrar erfðagreininga,  tjáði sig einnig í athugasemd á Pírataspjallinu um málið og segist ósammála borgarstjóra:

„Tilvist manna í skóla er sjaldan merkilegri en tilvist manna utan skóla og reynsla sem menn öðlast í skóla er sjaldan mikilvægari en sú sem fæst utan skóla,“

segir Kári og leggur til að nemendum verði greidd lágmarkslaun meðan þeir eru í háskólanámi og síðan verði laun ekki lengur tengd menntun, heldur ábyrgð og afköstum.

Reitt Samfylkingarfólk krefst svara

Ingibjörg nokkur, samflokkskona borgarstjóra, taggar borgarstjóra í færslu sinni og segir að hann sé ófær um að vinna sína vinnu:

„Segðu mér Dagur B. Finnst þér þú eiga skilið tvær milljónir á mánuði fyrir allt klúðrið hjá Reykjavíkurborg í þinni stjórnartíð? og hvern andskotann hefur þú og stjórnmálamenn almennt að gera við svona há laun, en þurfa aðstoðarmenn hægri vinsti sem skattgreiðendur borga fyrir og svo nýjasta hneykslið. RÁÐGJÖF hjá hinum ýmsu prelátum. Til hvers eruð þið að bjóða ykkur fram til verka sem þið eruð fullkomlega ófær um að ynna af hendi. Ég vona að þessum reiðilestri mínum verði dreift sem víðast og þú sem vinur minn hér á FB og flokksfélagi svarir heiðarlega.“

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Guðmundur Franklin opnar á þingframboð – „Tígrisdýrin breyta ekki röndunum á sér.“

Guðmundur Franklin opnar á þingframboð – „Tígrisdýrin breyta ekki röndunum á sér.“
Eyjan
Fyrir 2 dögum

Ísland reiðubúið að styðja Líbanon eftir sprenginguna í Beirút

Ísland reiðubúið að styðja Líbanon eftir sprenginguna í Beirút
Eyjan
Fyrir 5 dögum

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn
Eyjan
Fyrir 5 dögum

Segir Guðna vera forseta elítunnar

Segir Guðna vera forseta elítunnar
Eyjan
Fyrir 1 viku

Segir Ísland ekki stikkfrí í nýju köldu stríði

Segir Ísland ekki stikkfrí í nýju köldu stríði
Eyjan
Fyrir 1 viku

Lítil ásókn í húsnæðislán hjá lífeyrissjóðum

Lítil ásókn í húsnæðislán hjá lífeyrissjóðum