fbpx
Þriðjudagur 11.ágúst 2020
Eyjan

Reynir Trausta: „Reykjanesbraut er dauðagildra“

Ritstjórn Eyjunnar
Þriðjudaginn 14. janúar 2020 17:15

Ekki missa af Helstu tíðindum dagsins í pósthólfið þitt

Lesa nánar

„Það er óskiljanlegt að ekki skuli vera búið að tvöfalda Brautina fyrir löngu í þágu allra landsmanna. Reykjanesbrautin er einhver fjölfarnasta þjóðbraut landsins og raunverulega tenging okkar við útlönd. Samt situr hún á hakanum og fólk deyr og slasast. Á sama tíma eru risaframkvæmdir í gangi víða um land þar sem borað er og sprengt fyrir offjár í þágu mun færri en eiga líf sitt og limi undir Reykjanesbraut,“

skrifar Reynir Traustason, fjölmiðlamaður og fyrrverandi ritstjóri DV,  í kjölfar banaslyss á Reykjanesbraut á sunnudag.

Hann lýsir reynslu sinni hvar hann sjálfur hefur komist í hann krappann:

„Reykjanesbraut er dauðagildra. Undanfarna mánuði hef ég ekið Reykjanesbraut nokkrum sinnum í viku. Í tvígang hef ég lent í háska á einfalda kaflanum við álverið þegar bílstjórar hafa tekið framúr og komið á móti mér á röngum vegarhelmingi,“

segir Reynir og heldur áfram:

„Í öðru tilvikinu var um að ræða leigubíl sem var á lífshættulegri hraðferð. Það munaði hársbreidd að hann kæmi framan á mig með ófyrirsjáanlegum afleiðingum. Annar háskakafli er eftir að komið er úr austri að hringtorginu í Reykjanesbæ. Þar eftir er vegurinn einfaldur og þar með slysagildra.“

Reynir er gagnrýndur í athugasemdakerfinu fyrir að tala niður framkvæmdir á landsbyggðinni, það sé vel hægt að bæta samgöngur þar án þess að Reykjanesbraut sitji á hakanum. Þá er einnig nefnt að ríkið ráðstafaði almannafé til að gera veg og göng fyrir kísilbræðsluna á Bakka við Húsavík, sem aðeins er ætluð starfsmönnum hennar:

„3.5 milljarðar sem nýst hefðu til nauðsynlegra vegbóta fóru í þá vitleysu.“

Tvöföldun lýkur í nóvember

Unnið hefur verið að tvöföldun á kafla Reykjanesbrautarinn síðan um mitt síðasta ár. Sá kafli er þó aðeins rúmlega þrír kílómetrar, frá Kaldárselsvegi vestur fyrir Krýsuvíkurgatnamót og eru áætluð verklok í nóvember samkvæmt vefsíðu Vegagerðarinnar.

Sá kafli nær hinsvegar ekki yfir þá staði sem Reynir nefnir.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 5 dögum

Þungar ásakanir á Vegagerðina eftir ógilta samkeppni um brú yfir Fossvog – „Endanleg staðfesting á því hversu rotið þetta er“

Þungar ásakanir á Vegagerðina eftir ógilta samkeppni um brú yfir Fossvog – „Endanleg staðfesting á því hversu rotið þetta er“
Eyjan
Fyrir 5 dögum

Óli Björn mun ekki greiða atkvæði með skattahækkunum

Óli Björn mun ekki greiða atkvæði með skattahækkunum
Eyjan
Fyrir 1 viku

Staðan á vinstri vængnum: Vænlegir nýliðar og beðið eftir ákvörðun Rósu Bjarkar

Staðan á vinstri vængnum: Vænlegir nýliðar og beðið eftir ákvörðun Rósu Bjarkar
Eyjan
Fyrir 1 viku

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn