fbpx
Miðvikudagur 08.febrúar 2023
Eyjan

Vigdís segir heimilislausa líða fyrir lúxus borgarstjóra – „Sumir kunna ekki að skammast sín“

Ritstjórn Eyjunnar
Mánudaginn 4. nóvember 2019 08:57

Ekki missa af Helstu tíðindum dagsins í pósthólfið þitt

Lesa nánar

Framkvæmdirnar sem ganga undir verkheitinu „Þingholt, torgin þrjú“ fela í sér endurbætur á Baldurstorgi, Freyjutorgi, og Óðinstorgi, eins og vegfarendur í miðborginni hafa vafalaust tekið eftir í sumar. hafa 300 milljónir verið eyrnamerktar verkefninu

Vigdís Hauksdóttir, oddviti Miðflokksins, virðist hafa allt á hornum sér þegar kemur að þessum framkvæmdum, en hún gagnrýnir framkvæmdina í dag fyrir seinagang, og birtir myndir frá staðnum, en hún hefur áður gagnrýnt framkvæmdina fyrir að þrengja að fjölskyldubílnum.

Hiti í götu framar heimilislausum

Þá telur hún að borgarstjórinn, Dagur B. Eggertsson, sem býr við Óðinstorg, eigi að skammast sín fyrir að hafa hag af framkvæmdunum sjálfur, á meðan úrræði fyrir heimilislausa hafi ekki komist í framkvæmd:

„Æi hvað er gott að vera borgarstjóri – gott að fara þurrum fótum út allt árið – snjóbræðsla á alla kanta rétt niður fyrir húsið. Skrúðgarðurinn/Óðinstorg notað sem miðstöð fyrir framkvæmdirnar og langt í að það verði komið í notkun – samt voru tæplega 300 milljónir skrifaðar á torgið. Á meðan hafa t.d. smáhýsi fyrir heimilislausa ekki risið. Sumir kunna ekki að skammast sín.“

Fjölgun smáhýsa

Samþykkt var í borgarráði í fyrra að verja 450 milljónum til að kaupa allt að 25 smáhýsi, sem verða tengd við veitukerfi. Verið var að kanna slík smáhýsi og lóðir sem hentað gætu fyrir þau. Kaup af slíkum smáhýsum voru sögð falla að skaðaminnkunarverkefninu „Húsnæði fyrst (Housing first)“ og er liður í aðgerðaráætlun í málefnum utangarðsfólks. Í samþykkt borgarráðs segir að mikilvægt sé að hrinda ofangreindu í framkvæmd sem fyrst, bæði vegna skjólstæðinga velferðarsviðs og þess tíma sem Félagsbústaðir hafa til að nýta sér samþykktan stuðning á þessu ári.

Sjá nánar: Félagsbústaðir fá fjárveitingu – Utangarðsfólk fær smáhýsi

Þrengt að fjölskyldubílnum

Eyjan greindi frá því þann 12. október þegar Vigdís gagnrýndi framkvæmdirnar fyrir að þrengja að fjölskyldubílnum og tjáði sig með rauðum, grátandi tjáknum, með tunguna lafandi út úr sér, til marks um óánægju sína:

Sjá nánar: Vigdís vægast sagt ósátt við fegrunaraðgerðir borgarstjóra – „???“ -Myndir

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

Þóra forstöðumaður samskipta hjá Landsvirkjun

Þóra forstöðumaður samskipta hjá Landsvirkjun
Eyjan
Í gær

Aldrei fleiri umsóknir um vernd hérlendis

Aldrei fleiri umsóknir um vernd hérlendis
Eyjan
Fyrir 2 dögum

Lárus segir sögu af hælisleitanda – „Á hverju ætlarðu að lifa?“ – „On the government of course!“

Lárus segir sögu af hælisleitanda – „Á hverju ætlarðu að lifa?“ – „On the government of course!“
Eyjan
Fyrir 3 dögum

Sakar forystu Eflingar um valdníðslu og skoðanakúgun

Sakar forystu Eflingar um valdníðslu og skoðanakúgun