Sky Sports News segir frá því að Chelsea færist nær því að ganga frá kaupum á Jadon Sancho frá Manchester United í dag.

Félagaskiptaglugginn lokar í kvöld en félögin ræða hvort Chelsea kaupi hann eða fái hann lánaðan.

Chelsea þarf að losa leikmenn og vonast til að Raheem Sterling fari í dag.

United hefur skoðað það að fá Sterling en félagið telur sig þó ekki þurfa að fylla í skarð Sancho ef hann fari.

Sterling er með einn kost á borði sínu í dag og það er Arsenal annars er talið líklegast að hann verði áfram.

Erik ten Hag virðist ekki hafa neinn áhuga á að spila Sancho og hefur enski kantmaðurinn ekki komist í hóp í fyrstu tveimur leikjunum.