Stuðningsmenn Atalanta eru langt frá því að vera ánægðir eftir að félagið tilkynnti það að Ivan Juric væri tekinn við liðinu.

Juric er 49 ára gamall Króati en hann hefur nánast allan sinn þjálfaraferil starfað á Ítalíu.

Juric stoppaði stutt á Englandi á nýliðnu tímabili en honum mistókst að halda Southampton í efstu deild.

Juric var áður hjá Roma í nokkra mánuði en hann er þekktastur fyrir þrjár mismunandi dvalir hjá Genoa.

Stuðningsmenn Atalanta vilja ekkert með Juric hafa en hann leysir hinn vinsæla Gian Piero Gasperini af hólmi sem gerði frábæra hluti með liðið.

Sumir fara svo langt og kalla Juric versta þjálfara í sögu Serie A og er ljóst að hann byrjar undir mikilli pressu hjá félaginu