Jimmy Carter, fyrrum forseti Bandaríkjanna, verður 100 ára þann 1. október næstkomandi. Hann er alvarlega veikur og hefur verið á hjúkrunarheimili síðan í febrúar á síðasta ári. Hann hefur nú sett sér markmið sem hann vonast til að ná áður en hann deyr.

Þetta sagði barnabarn hans, Jason Carter, í samtali við AFP fréttastofuna. Hann sagði að Carter hafi sett sér það markmið að lifa nógu lengi til að geta kosið Kamala Harris í forsetakosningunum í nóvember.

Carter býr í Georgíuríki og þar hefst utankjörfundaratkvæðagreiðsla þann 15. október næstkomandi. Carter þarf því að þrauka þangað til ef hann vill ná þessu markmiði sínu.

Hann var forseti frá 1977 til 1981.