Um er að ræða 191,1 fermetra einbýlishús, þar af er bílskúrinn 50 fermetrar en búið er að útbúa hann sem íbúð. Ásett verð er 84,9 milljónir.
Hún greindi frá því á Instagram í gærkvöldi.
„Endilega deilið áfram kæru vinir á alla sem eru í leit að draumahöll í Hveragerði. Þetta hús hefur svo einstaka orku og fegurð og umvefur mann. Sjón er sögu ríkari,“ sagði hún og bætti við:
„Heitur pottur, arinn, 100 fermetra sólpallur og 1000 fermetra garður og 50 fermetra aukaíbúð í bískúr.“
Söngkonan keypti húsið í júní 2019. Undanfarin ár hefur hún leigt það út og hefur meðal annars fjölskylda frá Úkraínu að flýja stríðið leigt af henni. Þórunn Antonía opnaði sig um það í janúar 2023 að hún óttaðist að þurfa að selja húsið og henda út leigjendum, en hún hefur staðið í miklum erfiðleikum síðastliðið ár vegna myglu í leiguhúsnæði í Vesturbænum.
Sjá einnig: Þórunn Antonía óttast að þurfa að setja aðra fjölskyldu í sömu aðstæður og hún er í – „Ég hef reynt allt“
Hægt er að lesa nánar um eignina á fasteignavef Vísis.
