Mikill meirihluti Íslendinga vill að tekið verði gjald af erlendum ferðamönnum fyrir aðgang að náttúruperlum hérlendis. Þetta kemur fram í nýrri könnun sem Prósent framkvæmdi fyrir Fréttablaðið. Þegar spurt var um gjaldtöku af Íslendingum kom hins vegar annað hljóð í skrokkinn,
Alls voru yfir 72% prósent aðspurðra sammála því að tekið verði gjald af erlendum ferðamönnum fyrir aðgang að okkar helstu náttúruperlum. Aðeins 30% eru hins vegar fylgjandi slíkri gjaldtöku af Íslendingum.
Lítill munur er á afstöðu til gjaldtöku milli kynja og eftir tekjum en enginn munur er á afstöðu íbúa höfuðborgarsvæðisins og landsbyggðarinnar. Ungt fólk vill síður sjá gjaldtöku, bæði hvað varðar erlenda ferðamenn og Íslendinga, en stuðningurinn eykst jafnt og þétt með hækkandi aldri.
Um netkönnun var að ræða sem framkvæmd var dagana 22. júní til 4. júlí. Úrtakið var 2.000 einstaklingar 18 ára og eldri. Svarhlutfallið var 50,8 prósent
Þá kemur fram að íslensk stjórnvöld skoða þann möguleika að ráðast í tekjuöflun af ferðamönnum frá og með 2024.
