Jóhannes Björn Lúðvíksson, rithöfundur og samfélagsrýnir, varð bráðkvaddur á heimili sínu í New York borg í Bandaríkjunum að morgni sunnudagsins 13. mars síðastliðinn.
Hann lætur eftir sig einn son, Róbert Jóhannesson, sem hann eignaðist með Þóru Ásbjörnsdóttur og eiginkonu sína Beth Sue Rose.
Jóhannes Björn var fæddur þann 30. nóvember 1949. Hann lét til sín taka af miklum krafti á samfélagsmiðlum og í fjölmiðlum allt til dánardægurs. Þá var hefur bók hans Falið vald verið lýst sem einni umtöluðustu þjóðmálarýni seinni áratuga.
Hann heillaðist af list skákborðsins ungur að árum og varð Reykjavíkurmeistari, 16 ára gamall. Jóhannes Björn var einn efnilegasti skákmaður sinnar kynslóðar og tefldi á Evrópumóti unglinga í Amsterdam árið 1969.
Foreldrar Jóhanns voru Jónína Jóhannesdóttir frá Kálfsárkoti í Ólafsfirði og Lúðvík Eggertsson fasteignasali frá Klukkulandi í Dýrafirði. Þau skildu þegar Jóhannes Björn var barn að aldri og ólst hann upp hjá móður á meðal fimm systkina og uppeldissystur að Hverfisgötu 32, í miðborg Reykjavíkur.
