Það sem af er ári hafa verið nýskráðir 156 nýir rafbílar af bílamerkjum Brimborgar og er hlutdeild umboðsins á rafbílamarkaði 24% en á heildarmarkaði voru 649 nýir rafbílar skráðir fyrstu tvo mánuði ársins 2022.
Brimborg er umboðsaðili Ford, Volvo, Mazda, Citroën, Peugeot, Opel og Polestar og jukust nýskráningar nýrra bíla af bílamerkjum Brimborgar um 372,7%. Það er umtalsvert meiri vöxtur en á rafbílamarkaði en sá markaður óx um 147%.
Nýskráningar tengiltvinn fólksbíla (PHEV) jukust um 64% og samanlagt hlutfall hreinna raf fólksbíla og tengiltvinn fólksbíla var 67% fyrstu tvo mánuði ársins en á sama tíma í fyrra var þetta hlutfall 52%.
Heildarmarkaður fólksbíla með öllum orkugjöfum jókst um 56% og nam 1.767 bílum.
