Þeir sem hafa smitast af Deltaafbrigðinu kannast eflaust margir við einkenni á borð við hita, vöðvaverki, nefrennsli, höfuðverk og hálsbólgu. En með tilkomu Ómíkron breyttust sjúkdómseinkennin.
CBS skýrir frá þessu og byggir á niðurstöðum nýrra rannsókna. „Fyrsta merki um Ómíkronsmit er þurr hósti, pirringur í hálsi, brjóstverkir, bakverkir og höfuðverkur,“ er haft eftir Angelique Coetzee, forstjóra samtaka suðurafrískr lækna.
Meðgöngutíminn er einnig styttir þegar um Ómíkron er að ræða eða um þrír dagar en þegar um Delta er að ræða er hann fjórir eða fimm dagar. Þess utan einkennir það oft Ómíkronsmit að einkenninu eru mild. Þannig geta margir, sem eru smitaðir af Ómíkron, smitað út frá sér án þess að vita að þeir séu smitaðir.
Anthony Fauci, helsti sérfræðingur Bandaríkjanna á svið farsóttafræði, segir að Ómíkron leggist aðallega á efri hluta öndunarfæranna, það hafi rannsóknir á músum og hömstrum sýnt.
Eitt af því sem gerir einnig að verkum að Ómíkronsmit er öðruvísi en Deltasmit er að ekki er að sjá að fólk missi bragð- og lyktarskyn þegar um Ómíkronsmit er að ræða. Niðurstöður bandarískrar rannsóknar frá í nóvember sýna að um 1,6 milljónir Bandaríkjamanna glíma við langvarandi missi á bragð- og lyktarskyni. En með tilkomu Ómíkron ætti þetta vandamál að vera minna að umfangi.
