Það eru vissulega spennandi tímar framundan í tónlistarsenunni. Einn heitasti pródúser í dag, Ingi Bauer, sameinar krafta sína með Herra Hnetusmjör og OnlyFans-stjörnunni Klöru Sif Magnúsdóttur í nýju lagi sem kemur út á miðnætti.

Herra Hnetusmjör er einn vinsælasti rapparinn á Íslandi í dag. Hann gefur út hvern smellinn á fætur öðrum og mokseldi sjálfsævisögu sína í fyrra.

Klara Sif er án efa stærsta OnlyFans-stjarna okkar landsmanna og var í fyrra launahæst af  íslensku klámstjörnunum.

Sjá einnig: Þetta eru laun íslensku klámstjarnanna – Klara Sif þénar margfalt meira en kollegar sínir

Klara Sif virðist ætla að færa út kvíarnar og reyna fyrir sér í tónlist. Það verður að segjast ansi góð byrjun að gefa út lag með vinsælasta rappara landsins.

Lagið „Gefa í“ kemur út á miðnætti í kvöld á Spotify.