Manchester United mætir Villareal í úrslitaleik Evrópudeildarinnar í Gdansk í Póllandi í dag.
Solskjaer, stjóri Manchester United, á enn eftir að vinna titil með félaginu sem þjálfari en hann tók við liðinu árið 2018.
„Við höfum verið að búa til þetta lið síðustu ár. Vonandi er þetta byrjunin á einhverju stórkostlegu,“ sagði Solskjaer á blaðamannafundi.
Manchester United hefur ekki unnið stóran titil í 4 ár en Solskjaer segist vera nokkuð viss um að lið hans geti unnið Villareal, sem endaði í sjöunda sæti spænsku deildarinnar í ár.
„Þetta er besti klúbbur í heimi, það er bæði gott og veldur aukinni pressu. Leikmennirnir eru tilbúnir í þetta, þeir hefðu aldrei samið við klúbbinn ef þeir væru ekki frábærir leikmenn.“
„Þetta er stórt kvöld fyrir okkur. Þetta gæti skipt miklu fyrir framtíðina.“
