Norrköping tók á móti Halmstad í sænsku úrvalsdeildinni í dag. Leiknum lauk með 2-1 sigri Norrköping.
Ari Freyr Skúlason og Ísak Bergmann Jóhannesson, voru báðir í byrjunarliði Norrköping í leiknum.
Halmstad komst yfir strax á 4. mínútu leiksins með marki frá Marcus Antonsson.
Þannig stóðu leikar allt þar til á 64. mínútu þegar að Samuel Adegbenro, jafnaði leikinn fyrir Norrköping með marki eftir stoðsendingu frá Ísaki Bergmanni.
Sigurmark leiksins kom hins vegar á 79. mínútu og það skoraði Ísak Bergmann og hann tryggði Norrköping um leið þrjú stig í góðum endurkomusigri.
Norrköping er eftir leikinn í 7. sæti sænsku úrvalsdeildarinnar með 4 stig eftir þrjá leiki.
