Gengi Newcastle hefur ekki verið gott á leiktíðinni og situr liðið í 15. sæti deildarinnar, níu stigum frá falli. Robbie Savage segir í grein á Mirror að Bruce ætti að yfirgefa félagið í sumar, sama hvernig þetta tímabil endi:
„Steve Bruce er góður maður og góður þjálfari og ég trúi því að hann haldi Newcastle uppi í deildinni. Þrátt fyrir það tel ég að dagar hans á St. James´s Park séu taldir og það væri best fyrir alla ef hann hætti með félagið í sumar vegna þess að andrúmsloftið í kringum félagið er orðið eitrað,“ sagði Robbie Savage í greininni á Mirror.
„Þrátt fyrir að liðið hans hafi ekki litið vel út í ár, þá á hann ekki skilið öll þau ummæli sem hafa komið fram á samfélagsmiðlum.“
„Hann elskar Newcastle, þykir virkilega vænt um klúbbinn og er góð manneskja.“
Stee Bruce og hans menn í Newcastle unnu í dag góðan 3-2 sigur á West Ham sem kom liðinu í 15. sæti og níu stigum frá falli.
