Kun Aguero framherji Manchester City er óleikfær um helgina þegar lið hans mætir Chelsea í undanúrslitum enska bikarsins.
Aguero er á förum frá City eftir tímabilið en hann hefur misst út mikið á þessu tímabili vegna meiðsla, félagið vildi ekki framlengja samning hans.
Aguero er sagður hafa áhuga á því að spila áfram á Englandi og hefur verið sterklega orðaður við Chelsea. Liðin mætast á Wembley á morgun.
Aguero er að glíma við vöðvameiðsli en framherjinn frá Argentínu er markahæsti leikmaður í sögu Manchester City.
„Hann er ekki klár í slaginn,“ sagði Pep Guardiola um framherja sinn en líklegt er að Gabriel Jesus verði fremsti maður liðsins á morgun.
