Hlutabréfin í Jesse Lingard leikmanni Manchester United hafa aldrei verið hærri, eftir brösugt gengi hjá félaginu var Lingard lánaður til West Ham í janúar.
Lingard hefur slegið í gegn í Lundúnum og skorað átta mörk á rúmum tveimur mánuðum hjá West Ham, þarf af tvö gegn Leicester í gær í frábærum sigri.
West Ham hefur áhuga á að kaupa Lingard í sumar en ljóst er að verðmiðinn á honum hefur hækkað hressilega síðustu vikur.
Samkvæmt frétt ESPN eru þrjú stórveldi í fótboltanum að skoða stöðu Lingard, þannig segir að Real Madrid, PSG og Inter Milan hafi öll áhuga á enska miðjumanninnum.
Lingard mun í sumar aðeins eiga ár eftir af samningi sínum við United, félagið þarf því að selja hann ef ekki tekst að ná samkomulagi um nýjan samning.
