Dinamo Zagreb tók á móti Tottenham í 16-liða úrslitum Evrópudeildarinnar í kvöld. Um seinni leik liðanna var að ræða en fyrri leiknum lauk með 2-0 sigri Tottenham.
Leikur kvöldsins fór í framlengingu þar sem að Dinamo Zagreb leiddi leikinn 2-0 þegar flautað var til loka síðari hálfleiks. Mislac Orsic skoraði bæði mörk Zagreb á 62. og 83. mínútu.
Staðan í einvíginu var því orðin 2-2 og grípa þurfti til framlengingar.
Þar reyndust heimamenn í Dinamo Zagreb sterkari aðilinn.
Ekkert fékk Mislav Orsic stöðvað, hann skoraði þriðja mark sitt í leiknum og tryggði Dinamo Zagreb farseðilinn í 8-liða úrslit Evrópudeildarinnar með marki á 106. mínútu. Tottenham er því úr leik.
Dinamo Zagreb 3 – 0 Tottenham (Samanlagt 3-2 sigur Dinamo Zagreb)
1-0 Mislav Orsic (’62)
2-0 Mislac Orsic (’83)
3-0 Mislav Orsic (‘103)
