Það vakti talsverða athygli í ársreikningi KSÍ sú staðreynd að sambandið greiddi sex milljónir í COVID ráðgjöf. Ársreikningur Knattspyrnusambands Íslands, KSÍ, var lagður fyrir ársþing sambandsins um síðustu helgi og var hann samþykktur þar.

Ráðgjöfin sem KSÍ keypti sér var til þess að hjálpa sambandinu í gegnum skaflinn sem kom upp varðandi COVID. „Sérfræðiráðgjöf vegna COVID var unnin af Deloitte og fól meðal annars í sér söfnun upplýsinga um fjárhagsstöðu og greiningu á henni frá öllum aðildarfélögunum vegna áhrifa COVID,“ segir Guðni Bergsson í samtali við Fréttablaðið.

Guðni segir að Deloitte hafi hjálpað KSÍ að standa í hagsmunagæslu g fleira til. „Tóku þeir fjölda funda með KSÍ og félögunum og voru svo einnig félögunum og sambandinu til ráðgjafar bæði með umsóknir, umsagnir og hagsmunagæslu varðandi úrræði og frumvörp stjórnvalda,“ segir Guðni um ráðgjöfina við Fréttablaðið.

Á meðan flestir útgjaldaliðir KSÍ voru undir áætlun þá var skrifstofu- og stjórnunarkostnaður var um 22 milljónum yfir áætlun. Guðni segir við Fréttablaðið ástæðan sé FIFA ID sem kostaði sambandið um 28 milljónir. Það á að hjálpa til við með greiðslu uppeldis- og samstöðubóta sem starfsfólk FIFA mun sjálft koma til með rukka