Hver elskar ekki súkkulaðimús og Toblerone?
Hér er kominn einstaklega góður desert sem sameinar þetta tvennt. Una Guðmundsdóttir á unabakstur.is mælir heilhugar mðe smá „tríti“ í kvöld.
6 dl rjómi
3 egg
100 g Toblerone súkkulaði
200 g Toblerone súkkulaði hvítt
Fersk ber að eigin vali hindber, jarðarber svo eitthvað sé nefnt.
Byrjið á hvítu músinni, en þá er byrjað að þeyta 4 dl af rjóma.
Bræðið 200 g af hvítu Toblerone yfir vatnsbaði.
Hrærið 2 egg í skál og hrærið súkkulaðið saman við.
Blandið svo rjómanum saman við.
Setjið í glös og inn í ísskáp í um 5 mínútur, á meðan útbúið þið hinn helminginn.
Byrjið á að þeyta 2 dl af rjóma.
Bræðið 100 g Toblerone yfir vatnsbaði.Hrærið egg í skál, blandið súkkulaðiblöndunni út í og hrærið.
Að lokum er rjómanum bætt saman við.
Takið hvítu músina út úr kæli og hellið dekkri blöndunni yfir þá hvítu, setjið hindber og smá flórsykur til skreytingar og inn í kæli í um 3-4 klst.