Maður nokkur var í dag dæmdur fyrir kynfyrðislega áreitni með því að hafa gripið tvisvar utanklæða um vinstra brjóst konu á skemmtistað á Ísafirði. Atvikið átti sér stað þann 1. mars síðastliðinn en maðurinn var ákærður í júlí. Konan krafðist þess að fá 1 og hálfa milljón krónur í miskabætur.
Fyrir dómi játaði maðurinn það undanbragðalaus að hafa áreitt konuna kynferðislega með þessum hætti. Hann krafðist vægustu refsingar sem lög leyfa og að miskabæturnar verði stórlega lækkaðar.
Samkvæmt sakavottorði mannsins var hann þann 18. september 2019 dæmdur í 30 daga fangelsi, með tveggja ára skilorði, fyrir blygðunarsemisbrot. Maðurinn er talinn hafa brotið skilorðið með kynferðislegu áreitninni sem um ræðir.
Maðurinn hefur verið dæmdur í þriggja mánaða fangelsi en þar sem hann játaði brotið og vegna alvarleika atviksins þykir það rétt að fullnustu refsingar sé frestað. Maðurinn fær því aftur tveggja ára skilorð og mun dómurinn falla ef hann brýtur það ekki.
Þá var maðurinn dæmdur til að greiða 200 þúsund krónur í miskabætur með vöxtum til konunnar auk þess sem hann var dæmdur til að greiða samtals tæpa hálfa milljón í þóknun til verjanda síns og réttargæslumanns konunnar.
