Samherji tilkynnti í dag á heimasíðu sinni að félagið hafi kært ellefu blaðamenn RUV til siðanefndar Ríkisútvarpsins vegna þátttöku þeirra í þjóðfélagsumræðu um málefni Samherja. Er þátttaka þeirra sögð hafa átt sér stað á samfélagsmiðlum.
Öll tilvikin, samkvæmt tilkynningu Samherja, varða starfsmenn sem sinna umfjöllun um fréttir, fréttatengd efni og dagskrárgerð. Er því haldið fram í kæru að þeir hafi þar tekið afstöðu til mála sem blaðamennirnir hafi svo fjallað um. Er í tilkynningunni sérstaklega vikið að svokölluðu Seðlabankamáli og Namibíumáli, auk annarra mál svo sem eignarhalds á hlutabréfum Eimskipa.
Enn fremur segir Samherji í tilkynningu sinni að starfsmennirnir ellefu hafi ítrekað gerst brotlegir við siðareglurnar og segir að um samantekin ráð séu að ræða, enda birtust færslurnar svo til samtímis. Er það sagt gera brotin enn alvarlegri.
Kæru Samherja til siðanefndar RUV má nálgast hér að neðan.
