„Hvalfjarðargöng eru lokuð um óákveðin tíma vegna umferðaróhapps,“ segir í stuttri tilkynningu frá Lögreglunni á höfuðborgarsvæðinu. Tilkynning með sama innihaldi birtist einnig á vef Vegagerðarinnar.
Ekki er vitað um umfang eða eðli slyssins.
RÚV greinir frá því umferð hafi verið þung við göngin í dag og síðdegis hafi bíll bilað í göngunum sem olli miklum töfum.
Samkvæmt frétt Vísis var um árekstur að ræða sem varð á sjötta tímanum í dag. Samtals þrír voru um borð í bílunum og kennir einn sér meins í öxl eftir áreksturinn.
