fbpx
Þriðjudagur 12.ágúst 2025
Fréttir

80 milljónir virðast horfnar frá harðduglegum bóndadætrum úr Skagafirði

Tobba Marinósdóttir
Fimmtudaginn 4. júní 2020 23:44

Héraðsdómur Reykjavíkur

Ekki missa af Helstu tíðindum dagsins í pósthólfið þitt

Lesa nánar

Kona á sextugsaldri hefur verið ákærð fyrir að féfletta tvær systur á tíræðisaldri sem báðar eru með heilabilun. Þetta kemur fram í frétt RÚV sem birtist um hádegisbili í dag. Í ákærunni er rakin ótrúleg saga hjónanna sem talin eru hafa nýtt sér ástand efnaðra systra í Reykjavík og haft af þeim tugi milljóna. Eiginmaður konunnar sem er ákærð er einnig ákærður fyrir að hafa tekið við, geymt og nýtt ávinning af brotum konu sinnar. Heildarfjárhæðin sem hjónin eru ákærð fyrir að hafa af systrunum nemur nærri áttatíu milljónum króna. Saksóknari gerir meðal annars kröfu um að húseign hjónanna, Audi Q7-jeppi og listmunir margra af þekktustu listamönnum þjóðarinnar, svo sem Jóhannesar Kjarval og Einars Jónssonar, verði gerðir upptækir.

Ákæran verður þingfest í Héraðsdómi Reykjavíkur í næstu viku.  Hún er mjög umfangsmikil þar sem í henni er rakin saga systranna, veikindi þeirra og samskipti við konuna, segir í frétt RÚV um málið.

Stuttu eftir fréttaflutning RÚV birti Sigurður Bogi Sævarsson, fyrrum blaðamaður DV, gamalt viðtal sem hann tók við þær systur árið 2003. Hann segir örlög þessara merkilegu heimskvenna dapurleg. Í greininni kemur meðal annars fram að systurnar voru áberandi vinnusamar og eignuðust smám saman fleiri og fleiri íbúðir í sama fjölbýlishúsinu við Austurbrún.

Fjölbýlishúsið var vel mannað á 12. hæðinni en um tíma bjó þarna fyrrum alheimsfegurðardrottningin Hólmfríður Karlsdóttir, sem var þá aðeins telpa og bjó í blokkinni með foreldrum sínum, Ómar Ragnarsson fréttamaður og Árni Johnsen, fyrrum alþingismaður. Systurnar voru vel tengdar og vinamargar enda höfðu þær gengt mikilvægum ábyrgðarstöðum. Sú eldri vann lengi hjá bandaríska sendiráðinu og sú yngri hjá Alþjóðabankanum í Washington.

Sigurður Bogi Sævarsson blaðamaður birti þessa mynd á Facebook í dag með þeim orðum að hann hafi skrifað sögu systranna í DV í janúarlok 2003 og bætir við: „Erla og Ástríður bjuggu á tólftu hæð í Austurbrún 12, áttu fimm af sex íbúðum á hæðinni. Sveitastúlkur úr Skagafirði sem urðu heimskonur í hárri blokk. Dapurleg örlög á merkri sögu.“

 

 

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Neyðarkall frá Búlandstindi

Neyðarkall frá Búlandstindi
Fréttir
Í gær

Sema Erla var vistuð á Stuðlum – „Þetta voru stormasöm ár, ég var ekki stilltur unglingur“

Sema Erla var vistuð á Stuðlum – „Þetta voru stormasöm ár, ég var ekki stilltur unglingur“
Fréttir
Í gær

Segir veggjalúsafaraldur á landinu – „Góða við þetta kvik­indi er að hún er svaka­lega staðbund­in“

Segir veggjalúsafaraldur á landinu – „Góða við þetta kvik­indi er að hún er svaka­lega staðbund­in“
Fréttir
Fyrir 2 dögum

Íris segir erfitt að losna við blankheitahugsun og byrja að spara: „Peningurinn rennur ekkert út, hann myglar ekkert, hann verður þarna og þú getur bara geymt hann“

Íris segir erfitt að losna við blankheitahugsun og byrja að spara: „Peningurinn rennur ekkert út, hann myglar ekkert, hann verður þarna og þú getur bara geymt hann“
Fréttir
Fyrir 3 dögum

Hlutfallslega miklu fleiri erlendir ríkisborgarar á Íslandi en öðrum Norðurlöndum

Hlutfallslega miklu fleiri erlendir ríkisborgarar á Íslandi en öðrum Norðurlöndum
Fréttir
Fyrir 3 dögum

Látinn eftir fall í Vestari Jökulsá

Látinn eftir fall í Vestari Jökulsá