Hún hefur lent í því áður að einhver óprúttin aðili sigli undir fölsku flaggi og þykist vera hún á miðlinum. Hún greinir frá þessu í Story á Instagram.
„Ég er ekki á Tinder og hef aldrei verið á Tinder,“ segir hún.
„Það er og mun því miður alltaf vera nýr „feik“ prófíll á Tinder. Eina sem er hægt að gera er að tilkynna það (e. report). Ástæðan fyrir því að ég set þetta í Story er að ég er farin að fá svona skilaboð,“ segir hún og birtir síðan skjáskot af skilaboðum sem hún fékk frá ónefndum aðila.
„Hæ 🙂 Þú hentir mér af Tinder. Sé sömu myndir hér, flottar,“ sendi maðurinn henni.
„Við vitum aldrei hver er fyrir aftan svona feik aðganga og því getur þetta verið hættulegt. Svo er oft þessi aðili líka að reyna eyðileggja fyrir mér með því að skrifa illt til fólks,“ segir Tanja Ýr og þakkar fyrir að fólk bendi henni á þetta.
„Takk fyrir að láta mig alltaf vita. Kann virkilega að meta það.“
Að lokum segir hún: „Verum góð við hvort annað.“
Þetta er orðið nokkuð algengt vandamál hjá íslenskum áhrifavöldum í dag. Birgitta Líf hefur nokkrum sinnum lent í þessu og Sunneva Einars lenti í því að einhver notaði mynd af henni á stefnumótasíðu fyrir samkynhneigðar konur.
