Minnst sjö bifreiðar voru stöðvaðar í gærnótt vegna gruns um ölvunar eða fíkniefnaakstur. Á fjórða tímanum í nótt var tilkynnt um umferðaróhapp í Hafnarstræti í miðborg Reykjavíkur, hafði þá verið ekið á tvær kyrrstæðar bifreiðar. Var ökumaðurinn handtekinn á vettvangi grunaður um ölvunarakstur.
Í Mosfellsbæ var ökumaður stöðvaður grunaður um akstur undir áhrifum, reyndist bifreið hans ótryggð og voru skráningarnúmer bifreiðarinnar klippt af ökutækinu. Þá var einn ökumaður stöðvaður í Kópavogi í nótt eftir að hafa ekið yfir gatnamót á rauðu ljósi, var sá einnig grunaður um akstur undir áhrifum.
Þá var einn handtekinn í annarlegu ástandi í Kópavogi í gærkvöld, grunaður um eignaspjöll í Hafnarfirði. Sá var vistaður í fangageymslu lögreglunnar í nótt.
