Snjóflóðin sem áttu sér stað á Flateyri í gær hafa vakið upp margar spurningar varðandi öryggi þeirra sem þar búa. Snjófljóðavarnagarðarnir á Flateyri voru til að mynda ekki hannaðir fyrir snjóflóð á þeim hraða sem flóðin í gær voru á.
Elliði Vignisson, bæjarstjóri í Ölfusi, segir í pistli á Facebook-síðu sinni að hann sé stoltur af framgöngu Daníels Jakobssonar, fyrrverandi bæjarstjóra á Ísafjarði, og Örnu Láru Jónsdóttur, varaþingmanns Samfylkingarinnar. Hann segir að þrátt fyrir þunga og erfiði þá hafi þau staðið sig vel í að minna á þá mildi sem fylgir snjóflóðavörnum.
„Það þarf æðruleysi til að geta fært þökk í þunganum,“ segir Elliði og ryfjar upp að stundum hefur umræðan um snjóflóðavarnargarðana verið með öðrum hætti. Þá deilir Elliði mynd af tísti sem Gísli Marteinn Baldursson, fjölmiðlamaður og fyrrverandi borgarfulltrúi Sjálfstæðisflokksins, deildi fyrir einhverjum tíma síðan.
Í tístinu er Gísli Marteinn að deila frétt um að það muni kosta 2,5 milljarða að reisa nýja snjóflóðagarða á Neskaupsstað. „Hefur einhver spurt hvort þetta fólk myndi kannski bara vilja þessar 10 milljónir á mann og flytja í bæinn?“ spyr Gísli.
