Það er alls ekkert allt að fara til fjandans í heiminum þó að mikið gangi á með stríðum og hörmungum. Tækniframfarir geta verið lykillinn að því að leysa það sem í dag virðist óleysanleg vandamál. Gervigreindin getur t.d. komið að miklu gagni í baráttunni við loftslagsvandann. Lausnin gæti falist í kjarnasamruna sem gervigreindin hjálpar okkur að ná fram. Albert Jónsson, fyrrverandi sendiherra og sérfræðingur í alþjóðamálum, er gestur Ólafs Arnarsonar í hlaðvarpi Eyjunnar.
Albert Jonsson - 2
„Svo er náttúrulega rosalega interessant sem er í gangi í veröldinni og það er gervigreind. Nú er ég ekki mikill sérfræðingur í henni en nota hana mikið orðið í minni vinnu, mínum rannsóknum og mínum skriftum og þetta er algjört undratæki. Þetta er bara Google margfaldað með einhverju nú þegar. Hún getur haft mikil áhrif á gang mála, á hertækni, ég verð að nefna það. En ef við förum í jákvæðari hluti, á að geta skilað mikilli framþróun í lyfjatækni, til dæmis. Og það sem ég er nú mest spenntur fyrir, sem ég skrifa mikið um loftslagsmál, að það er, talið eða bundnar vonir við, ekkert á morgun eða hinn, en sem tímar líða, þá muni hún auka verulega möguleika á að leysa orkuvanda heimsins, þ.e.a.s. það er alltaf í gangi miklar rannsóknir og tilraunir varðandi svokallaðan samruna, fusion, eða kjarnorku. Þetta er kjarnorka sem er hættulaus og tiltölulega gott að eiga við að öllu leyti og þú reyndar býrð til sólina bara á leiðinni, sama fyrirbæri, og orka verði ekki vandamál. Þetta er bara eins og í Star Wars myndunum, skilurðu, það hefur ekki hvarflað að neinum þar að orkan sé problem.
Sumir binda vonir við það að þessi gervigreind vegna þess hvað hún er gífurlega afkastamikil og getur dregið ályktanir af vissum hlutum, komist að niðurstöðum í ákveðinni merkingu, án þess að segja of mikið, þá er bundin á von um að hún muni hraða þessu. Það er búið að tala um samruna, hann mun leysa orkuvanda heimsins, það er búið að tala um þetta í 20, 30, 40 ár, að þetta sé alltaf að koma, það er nú alltaf dálítið langt í þetta en menn eru samt vissir um að þetta kemur því þetta er þekkt fyrirbæri í sjálfu sér, þetta er bara tæknilega erfitt.
Þannig að það eru bundnar miklar vonir við þetta og þá náttúrlega erum við að draga úr loftslagsvandanum og margt fleira. Það er mikil dínamík sem er neikvæð, og sem birtist í styrjöldum og átökum um viðskipti, og það næst ekki samkomulag um mikilvæga hluti. Það er ákveðin, ég segi ekki bandalag, langt því frá, en samvinna og ríkja sem eru heldur lakari en önnur eins og Íran, samskipti þeirra við Rússa og vinátta þeirra við Kínverja og vinátta Kínverja og Rússa. Svona ríki með álíka stjórnarfar, og Kína og Rússland hafa náttúrlega sameiginlegt markmið sem er að grafa undan Bandaríkjunum og alþjóðakerfinu og ná meiri ítökum og auðvitað eiga Kínverjar miklu meiri möguleika á því heldur en Rússar, en Rússar eru með í þessu. En veröldin hefur nú alltaf haft sinn skammt af vandamálum og ég er einn af þeim sem vil ekki ganga of langt í því að segja að allt sé að fara til fjandans.“
Það er ekki allt að fara til fjandans?
„Nei, nei. Það kemur stundum fólk til mín, af því ég er svo mikið í fjölmiðlum, í Bónus og svona búðum og spyr mig: „Er bara að koma þriðja heimsstyrjöldin?“ og ég er að reyna að sefa þessar áhyggjur. Það kom maður að máli við mig, ég labbaði framhjá honum í flugvél um daginn og hann sagði við mig, það var ekki, er þetta að fara til andskotans? Hann sagði: „Þetta er allt að fara til andskotans.“ Og ég sagði: „Nei, nei, nei.“ Þannig að skiljanlega, það gengur mikið á, við skulum segja það. Fólk heyrir þessar fréttir og skiljanlega vekur áhyggjur. En síðan náttúrlega, ef við förum nær okkur, þá er nú svona flest stöðugt í okkar nágrenni og við auðvitað í mjög góðri stöðu almennt.“
